बैलासोबत ट्रॅक्टरचाही पोळा! आगळावेगळा उपक्रम : मराठवाडा-विदर्भ सिमेवरील कनेरगावात ग्रामस्थांची गर्दी

मदन बियाणी / कनेरगाव नाका (जि़ वाशिम) : बळीराजा वर्षभर राबून बैलांच्या भरवशावर शेती करतो म्हणून बैलांप्रती कृतज्ञता व्यक्त करण्याच्या उद्देशाने पोळा हा सण साजरा करण्यात येतो; परंतु अलिकडच्या काळात शेतीची सर्व कामे बैलांऐवजी ट्रॅक्टरने केली जात असल्याने विदर्भ आणि मराठवाड्याच्या सिमेवरील कनेरगाव नाका येथे सोमवारी बैलांसह ट्रॅक्टर्सचाही पोळा भरविण्यात आला. हा पोळा पाहण्यासाठी परिसरातील ग्रामस्थांनी गर्दी केली होती़

म�

��न बियाणी / कनेरगाव नाका (जि़ वाशिम) : बळीराजा वर्षभर राबून बैलांच्या भरवशावर शेती करतो म्हणून बैलांप्रती कृतज्ञता व्यक्त करण्याच्या उद्देशाने पोळा हा सण साजरा करण्यात येतो; परंतु अलिकडच्या काळात शेतीची सर्व कामे बैलांऐवजी ट्रॅक्टरने केली जात असल्याने विदर्भ आणि मराठवाड्याच्या सिमेवरील कनेरगाव नाका येथे सोमवारी बैलांसह ट्रॅक्टर्सचाही पोळा भरविण्यात आला. हा पोळा पाहण्यासाठी परिसरातील ग्रामस्थांनी गर्दी केली होती़
कनेरगाव नाका येथे दरवर्षी हा अनोखा पोळा भरविण्यात येतो. हा आगळावेगळा पोळा पाहण्यासाठी दूरवरून अनेक लोक येथे येतात. त्यामुळे हा पोळा कुतुहलाचा विषय ठरत आहे. तंत्रज्ञानाच्या या युगात बैलांचे श्रम मागे पडले असून, विविध यंत्रांनी त्यांची जागा घेतली आहे. शेतीमधील नांगरणी, वखरणी, पेरणी आदि कामांसाठी बैलांऐवजी ट्रॅक्टरचा वापर सुरू झाला. शेतकर्‍यांना ट्रॅक्टरची साथ मिळाल्याने कनेरगावात १४ वर्षांपूर्वी कै. शरद केशवराव जोशी यांनी बैलांसोबतच ट्रॅक्टरचा पोळा भरविण्याची संकल्पना मांडली. त्याला प्रतिसाद मिळाला आणि पहिल्याच वर्षी १० ट्रॅक्टर सजवून पोळ्यात सहभागी करण्यात आले. तेव्हापासून ही प्रथा सुरू झाली़ दरवर्षी पोळ्यात येथे ३० ते ३५ ट्रॅक्टर सहभागी होतात. यावर्षीच्या पोळ्यात ३२ ट्रॅक्टर्स सहभागी झाले होते. पोळ्याच्या दिवशी या ट्रॅक्टर्सची मान्यवरांच्या हस्ते पूजा झाल्यानंतर, गावातून मिरवणूक काढण्यात आली. पोळा फुटल्यानंतर घरोघरी बैलांप्रमाणेच या ट्रॅक्टर्सचीही पूजा करण्यात आली.