GST: Attachment of HSN code to GST Gudi | GST : जीएसटीच्या गुढीला एचएसएन कोडची जोड

GST : जीएसटीच्या गुढीला एचएसएन कोडची जोड

- उमेश शर्मा 
(लेखक चार्टर्ड  अकाउंटंट आहेत)

अर्जुन : कृष्णा, गुढीपाडव्याला नवीन कार्याची सुरूवात केली जाते. एप्रिल २०२१ पासून जीएसटीमध्ये कोणते नवीन बदल करण्यात आले आहेत ?
कृष्ण : अर्जुना, १ एप्रिल २०२१ पासून सर्व करदात्यांना आता वस्तू किंवा सेवा याचे एचएसएन व एसएसी कोड टॅक्स इनव्हॉईसवर देणे बंधनकारक आहे. तसेच ५० कोटी पेक्षा जास्त उलाढाल असणाऱ्या करदात्यांना ई-इनव्हॉईस देणे बंधनकारक आहे. या वेळेच्या जीएसटीच्या गुढीला एचएसएन कोडची जोड देण्यात आली आहे.
अर्जुन : एचएसएन कोड व एसएसी कोड म्हणजे काय?
कृष्ण : एचएसएन कोड म्हणजे हारमोनाइज सिस्टम नंबर जो  वस्तू साठी असतो व एसएसी म्हणजेच सर्विस अकाउंटींग कोड जो  सेवांसाठी असतो. यामुळे वस्तू व सेवेचा तपशील आणि कराचा दर संलग्न होतो. चुकीच्या कर दराने वस्तू विकल्यास ते आता जीएसटी विभागाला लगेच समजेल. यामुळे कर आकारणी व निर्धारण अधिक संगणकीकृत आणि अचूक होईल.
अर्जुन : एचएसएन कोड व एसएसी देणे कोणासाठी बंधनकारक आहे?
कृष्ण : ज्या करदात्यांची उलाढाल मागील वर्षी २०२०-२१ मध्ये रूपये पाच कोटीपर्यंत होती त्यांना चार अंकी एचएसएन कोड व रूपये पाच कोटीच्या वर उलाढाल असल्यास सहा अंकी कोड, टॅक्स इनव्हॉईस मध्ये देणे बंधनकारक आहे.
अर्जुन : करदात्यांना सीबीआयसी पोर्टलवर एचएसएन व एसएसी कोड कसे बघता येईल?
कृष्णा : अर्जुन, या लिंक वरती जाऊन तपासावे 
1. https://www.cbic.gov.in/resources// htdocs-cbec/gst/GSTratescheduleforgood sason31032021.pdf 
2. https://www.cbic.gov.in/resources// htdocs -cbec/gst/11-Rate_Notification-CGST-16.10.2020.pdf
3. https://www.cbic.gov.in/resources// htdocs -cbec/gst/12-Exemption_CGST-16.10.2020.pdf
अर्जुन : करदात्यांनी यातून काय बोध घ्यावा?
कृष्ण :  आता टॅक्स इनव्हॉईस बनवतांना एचएसएन कोड व एसएसी कोड बरोबर असल्याची खात्री करून घ्यावी.

 

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: GST: Attachment of HSN code to GST Gudi

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.