Maharashtra Weather Update : विदर्भ थंड, राज्यात उकाडा; हवामान विभागाचा काय अंदाज वाचा सविस्तर

Maharashtra Weather Update : राज्यात हिवाळा सुरु झाला असतानाच हवामानात अचानक बदल झाला आहे. अनेक ठिकाणी थंडी पूर्णपणे गायब झाली असून पुन्हा एकदा उन्हाचा कडाका वाढत आहे. विदर्भात तापमानात घट होण्याचा अंदाज असला तरी राज्यातील इतर भागांत उकाडा आणि तापमानवाढ कायम राहणार असल्याची माहिती हवामान विभागाकडून देण्यात आली आहे. (Maharashtra Weather Update)

Maharashtra Weather Update : राज्यात हिवाळ्याची चाहूल लागल्यानंतर काही दिवस कडाक्याची थंडी जाणवत होती. पण आता पुन्हा एकदा हवामान बदलताना दिसत आहे. (Maharashtra Weather Update)

गेल्या काही दिवसांपासून राज्यभरात तापमान वाढू लागले असून दिवसाही उन्हाचा तडाखा वाढताना दिसतो आहे. विशेषतः पुणे, मराठवाडा, कोकण आणि पश्चिम महाराष्ट्रात उष्णतेचे प्रमाण जाणवण्यासारखे वाढले आहे.(Maharashtra Weather Update)

दुसरीकडे विदर्भात मात्र एक वेगळंच चित्र दिसत असून, हवामान विभागाने येथे पुन्हा तापमान घसरण्याचा इशारा दिला आहे.(Maharashtra Weather Update)

उकाडा वाढला, थंडी ओसरली

नोव्हेंबर महिन्यात हिवाळ्याची मुख्य चाहूल असते. परंतु यंदा परिस्थिती उलट दिसते आहे. राज्यातील बहुतेक भागात किमान तापमान १५°C च्या वर असून, थंडी जवळजवळ गायब झाली आहे. भंडारा येथे बुधवारी सर्वात कमी १२°C तापमान नोंदले गेले.

कोकणातील भिरा येथे कमाल तापमान तब्बल ३८°C पर्यंत पोहोचले, ज्यामुळे उष्णतेचा त्रास वाढला.

राज्यातील सरासरी किमान तापमानात १ ते ४°C वाढ झाली असून दुपारचे ऊन रात्रीपर्यंत टिकत आहे.

आज तापमानात बदलाची शक्यता

हवामान विभागानुसार, विदर्भात आज २ ते ३°C नी किमान तापमानात घट होऊ शकते.

परंतु, मराठवाडा, पुणे, पश्चिम महाराष्ट्र व कोकणात पुढील काही दिवस तापमानवाढ व उकाडा कायम राहण्याची शक्यता आहे.

आकाश निरभ्र असल्याने दिवसाही उष्णता जाणवेल आणि रात्री तापमानातील उतार कमी राहील.

दिवसा ऊबदार, पहाटे गारठा

पुण्यात हवामान मिश्र रूपात आहे.

दिवसा उबदार वातावरण

पहाटे सौम्य गारठा

अरबी समुद्र व बंगालच्या उपसागरातून येणारे बाष्पयुक्त वारे या बदलांना कारणीभूत आहेत. हे चढ-उतार २९ नोव्हेंबरपर्यंत कायम राहतील, असा अंदाज विभागाने व्यक्त केला आहे.

'सेनयार' चक्रीवादळाचा परिणाम

२६ नोव्हेंबर रोजी मलेशियाच्या मल्लाका सामुद्रधुनीजवळ 'सेनयार' चक्रीवादळाची निर्मिती झाली आहे.

हे केंद्र इंडोनेशियातील कुता माकमुरपासून ८० किमी पूर्वेला

नानकोवरीपासून ५८० किमी दूर

कार निकोबारपासून ७३० किमी आग्नेय

हे चक्रीवादळ काही वेळ वायव्य दिशेने सरकल्यानंतर पुन्हा पूर्वेकडे जाण्याची शक्यता आहे. याशिवाय बंगालच्या उपसागरात कमी दाबाचे क्षेत्र सक्रीय असून २८ नोव्हेंबरपर्यंत ते तमिळनाडू व पुडुच्चेरीकडे सरकू शकते.

सध्या या प्रणालींचा महाराष्ट्रावर थेट परिणाम नसला तरी तापमानातील चढ-उतार आणि ढगाळ परिस्थिती काही भागात दिसू शकते.

पुढील दोन दिवस हवामानाचा अंदाज

* राज्यातील बहुतांश भागांत उकाडा कायम* विदर्भात तापमान घसरण्याची शक्यता* पुणे, मराठवाड्यात आंशिक गारठा* ढगाळ वातावरण कमी, आकाश मुख्यतः स्वच्छ* हवेतील आर्द्रता वाढ, रात्री उकाडा जाणवण्याची शक्यता

शेतकऱ्यांना सल्ला 

* पिकांमध्ये पाण्याची मागणी वाढेल

* मातीतील ओलावा कमी होईल

* ड्रिपद्वारे झिरपण पद्धतीने पाणी द्या.

* संध्याकाळी किंवा सकाळीच सिंचन करा, असा सल्ला देण्यात आहे.

हे ही वाचा सविस्तर : Maharashtra Weather Update : ढगाळ हवामान कायम; तापमान वाढतंय, पाऊस धडकण्याच्या तयारीत वाचा सविस्तर