Maharashtra Weather Update : महाराष्ट्राच्याकोकण किनारपट्टीपासून मुंबई–ठाण्यापर्यंत गेल्या काही दिवसांत जाणवणारा थंडावा आता मंदावू लागला असून दिवसा तापमानात १–२ अंशांची वाढ नोंदवली जात आहे. (Maharashtra Weather Update)
IMD ने दिलेल्या माहितीनुसार, राज्यात हवामान कोरडे, स्थिर आणि उष्ण राहणार आहे. पावसाची कुठलीही शक्यता नसून हवेत ओलावा घटल्याने दुपारी उकाडा जाणवण्याची शक्यता अधिक आहे. (Maharashtra Weather Update)
मुंबई–ठाणे येथे थंडी कमी
मुंबईत आज सकाळी किंचित गारवा असला तरी दिवस चढताच उष्णतेचा जोर वाढेल.
किमान तापमान: २२–२३°C असेल
कमाल तापमान: ३२–३४°C
आकाश स्वच्छ राहिल्यामुळे दिवसभर सूर्यकिरणांचा तडाका अधिक जाणवेल. रात्रीही विशेष गारवा नसेल. नवी मुंबई आणि ठाण्यातही अगदी अशीच परिस्थिती राहील.
दक्षिण कोकणात उष्णतेकडे कल
या पट्ट्यात सकाळचा हलका गारवा अतिशय अल्पकाळ जाणवेल.
किमान तापमान: २१–२२°C
कमाल तापमान: ३०–३३°C
दुपारपर्यंत तापमानात लक्षणीय वाढ होईल. समुद्रकाठावर मंद वारा मिळाला तरी उष्णता कमी होणार नाही. गेल्या काही दिवसांत जाणवलेली सौम्य थंडी आता मर्यादित राहील.
हिटवाह चक्रीवादळाचा इशारा
भारतीय हवामान विभागाने दक्षिण भारतासह किनारी भागांसाठी मोठा हवामान इशारा जारी केला आहे. हिटवाह (Hitwah) नावाचे चक्रीवादळ सध्या श्रीलंकेच्या किनाऱ्यावर आणि बंगालच्या उपसागराच्या दक्षिण भागात सक्रिय आहे.
मागील काही तासांत हे वादळ ४ किमी प्रतितास वेगाने उत्तर–वायव्य दिशेने सरकत आहे. २८ नोव्हेंबर दुपारपर्यंत ते श्रीलंकेतील त्रिंकोमालीपासून सुमारे ३० किमी नैऋत्यकडे जात असल्याची हवामान विभागाने माहिती दिली आहे.
चक्रीवादळाचा भारतावर परिणाम
पुढील २४–४८ तासांत हे वादळ दक्षिण भारताच्या किनाऱ्यावर धडकण्याची शक्यता वाढली आहे.
या राज्यांना इशारा
तामिळनाडू – २९, ३० नोव्हेंबर रोजी मुसळधार पाऊस
पुद्दुचेरी – २९, ३० नोव्हेंबर रोजी मुसळधार पाऊस
आंध्र प्रदेश – २९ नोव्हेंबर ते १ डिसेंबर रोजी अतिमुसळधार पाऊस
रायलसीमा भागात जोरदार पावसाचा इशारा देण्यात आला आहे.
या कालावधीत जोरात वारे, समुद्री लाटा उंचावणे आणि काही भागात पूरस्थितीची शक्यता वर्तविली आहे.
केंद्र–पूर्व भारतावरही परिणाम
उत्तर भारतात मात्र गारठा वाढण्याची शक्यता असून अनेक राज्यांमध्ये कडाक्याची थंडी पडू लागली आहे.
महाराष्ट्रावर चक्रीवादळाचा अप्रत्यक्ष परिणाम
हिटवाह वादळाचा थेट परिणाम राज्यावर होणार नसला तरी त्यामुळे वातावरणात काही बदल दिसतील.
कोकण किनारपट्टीवर ढगाळ वातावरण
विदर्भातील काही भागांत हलक्या पावसाची शक्यता
उष्णता–थंडीचे मिश्र हवामान
२८ नोव्हेंबरला भंडाऱ्यात १०°C इतके निचांकी तापमान नोंदले गेले हे राज्यातील सर्वात कमी तापमान होते.
राज्यात २–३ डिसेंबरपर्यंत थंडीचा हलका गारवा टिकेल, तर परत दिवसा तापमानात वाढ सुरू राहण्याची शक्यता आहे.
शेतकऱ्यांना सल्ला
* ड्रिप पद्धतीने कमी प्रमाणात पण वारंवार पाणी द्यावे.
* थेट सूर्यप्रकाशामुळे पानं वाळू नयेत म्हणून शक्य असल्यास मल्चिंगचा वापर करा, असा सल्ला देण्यात आला आहे.
Web Summary : Maharashtra weather update indicates potential changes. Stay tuned for crucial updates on temperature fluctuations, rainfall predictions, and potential weather-related advisories across the state. Prepare for possible impacts on daily life.
Web Summary : महाराष्ट्र मौसम अपडेट संभावित बदलावों का संकेत देता है। तापमान में उतार-चढ़ाव, वर्षा के पूर्वानुमान और राज्य भर में संभावित मौसम संबंधी सलाहकारों पर महत्वपूर्ण अपडेट के लिए बने रहें। दैनिक जीवन पर संभावित प्रभावों के लिए तैयार रहें।