Maharashtra Weather Update : श्रीलंकेत मोठ्या प्रमाणात हाहाकार माजवणाऱ्या हिटवाह चक्रीवादळाचा अप्रत्यक्ष परिणाम महाराष्ट्रातही दिसू लागला आहे. (Maharashtra Weather Update)
IMD ने दिलेल्या माहितीनुसार, राज्यात मागील दोन दिवसांपासून थंडीची तीव्रता वाढत आहे. अनेक ठिकाणी आकाशात ढगांचे प्रमाण वाढले असून सकाळच्या वेळेत धुक्याचे प्रमाणही जास्त दिसून येत आहे. (Maharashtra Weather Update)
हिटवाह चक्रीवादळाचा महाराष्ट्रावर परिणाम
श्रीलंकेत १२३ हून अधिक जणांचा बळी घेणारे हे वादळ सध्या भारतीय किनारपट्टीकडे सरकत असून त्याचा प्रभाव दक्षिण तामिळनाडू, पुद्दुचेरी, दक्षिण आंध्र प्रदेशात पावसाची शकता दिसत आहे. महाराष्ट्रात या चक्रीवादळाचा प्रत्यक्ष धोका नसला तरी त्याचा अप्रत्यक्ष परिणाम वातावरणावर जाणवत आहे. (Maharashtra Weather Update)
राज्यात ढगाळ वातावरण
राज्यात सकाळी आणि रात्री गारठा वाढला असुन किमान तापमानात अचानक घट झाली आहे. तर मराठवाडा, विदर्भ, पश्चिम महाराष्ट्रात हुडहुडी वाढली आहे.
तापमानाचा पारा घसरला
राज्यात अनेक ठिकाणी किमान तापमान १० अंश सेल्सिअस खाली आले आहे. उत्तरेकडून येणाऱ्या थंड वाऱ्यांमुळे ही थंडी अधिक तीव्र झाली आहे.
मुंबईत सकाळी धुके नंतर आकाश निरभ्र राहिल.
कमाल तापमान : ३२°C
किमान तापमान : २३°C
कोकणात आकाश मुख्यतः स्वच्छ असून रात्री वातावरण थंड राहील.
पश्चिम महारष्ट्रात किमान तापमान १५°C च्या आसपास असेल. सकाळ-संध्याकाळ गारवा जाणवेल.
मराठवाड्यात गारठा वाढला असून रात्री तापमानात मोठी घट होईल.
विदर्भात ढगाळ वातावरण असून तुरळक ठिकाणी हलक्या पावसाची शक्यता आहे.
विदर्भात पावसाची शक्यता
हवामान विभागाच्या माहितीनुसार, आज विदर्भातील काही ठिकाणी हलक्या सरींची शक्यता आहे. ढगाळ वातावरणामुळे रात्री थंडी आणखी वाढण्याचा अंदाज आहे.
पुढील ४८ तासांचा अंदाज
ढगाळ वातावरण कायम
सकाळी दाट धुके
तापमानात आणखी घट
काही भागात गारठा तीव्र
हलक्या पावसाची शक्यता
हिटवाह चक्रीवादळाचा महाराष्ट्रावर थेट धोका नसला तरी या वादळामुळे राज्यातील हवामानात ढगाळ वातावरण, धुके आणि गारठा वाढण्याचा परिणाम स्पष्टपणे जाणवत आहे. येत्या दिवसांत तापमान आणखी खाली येण्याचा अंदाज हवामान विभागाने व्यक्त केला आहे.
शेतकऱ्यांना सल्ला
* धुक्यामुळे तुषार पडून पाने ओलसर राहतात, त्यामुळे कीटक-रोग वाढू शकतात.
* शेतात हवेची देवाण-घेवाण सुधारण्यासाठी मधल्या नांगरट्या किंवा गवत काढून मार्ग साफ ठेवा, असा सल्ला देण्यात आला आहे.