Maharashtra Weather Update : राज्यात पुन्हा एकदा पावसाचा जोर दिसणार आहे. हवामान खात्याने कोकण, उत्तर कोकण आणि घाटमाथ्याला मुसळधार पावसाचा इशारा दिला असून विजांच्या कडकडाटासह वादळी वाऱ्याची शक्यता वर्तविली आहे.(Maharashtra Weather Update)
पुणे, मराठवाडा, विदर्भात हलक्या पावसाचा अंदाज आहे.(Maharashtra Weather Update)
IMD ने दिलेल्या माहितीनुसार, राज्यात काही अंशी पावसाचा जोर ओसरल्याचे चित्र असले तरी कोकण, उत्तर कोकण, मध्य महाराष्ट्र आणि घाटमाथ्याच्या भागांत पावसाची सध्या जोरदार शक्यता कायम आहे. तसेच, मराठवाडा आणि विदर्भातही हलक्या पावसाचा अंदाज व्यक्त करण्यात आला आहे.(Maharashtra Weather Update)
कोकण
कोकणात आज अनेक ठिकाणी पावसाचा जोर दिसून येईल. काही भागांत मेघगर्जनेसह आणि विजांच्या कडकडाटासह जोरदार पाऊस होण्याची शक्यता आहे. कोकणात बऱ्याच ठिकाणी पाऊस पडेल तर काही ठिकाणी अतिजोरदार पावसाचा इशारा देण्यात आला आहे. मेघगर्जना, विजांचा कडकडाट होण्याची शक्यता वर्तविण्यात आली आहे.
उत्तर मध्य महाराष्ट्र
उत्तर मध्य महाराष्ट्रातील जिल्ह्यांतही काही ठिकाणी विजांच्या गडगडाटासह वादळ व ताशी ३०-४० किमी वेगाने वारे वाहण्याची शक्यता आहे. पावसाचा स्वरूप हलका ते मध्यम राहील.
मध्य महाराष्ट्र
मध्य महाराष्ट्रात आज तुरळक ठिकाणी पाऊस पडेल, तर काही भागांत जोरदार पावसासह विजांचा कडकडाट होण्याची शक्यता आहे. उद्याही अशाच प्रकारचे हवामान राहील.
दक्षिण मध्य महाराष्ट्र (घाटमाथा)
घाटमाथ्याच्या दक्षिण भागात मुसळधार ते अतिमुसळधार पाऊस होण्याची शक्यता आहे. विजांच्या कडकडाटासह वादळी वारेही वाहण्याची शक्यता व्यक्त करण्यात आली आहे.
मराठवाडा
मराठवाड्यात आज काही ठिकाणी हलक्या पावसाची शक्यता असून विजांच्या कडकडाटाचा इशाराही दिला गेला आहे. उद्या मराठवाड्यातही पावसाची ही स्थिती कायम राहील.
पुणे
पुणे आणि आसपास ढगाळ वातावरण राहील. आज हलक्या स्वरूपाचा पाऊस होईल. ढगाळ वातावरण राहून हलक्या पावसाचा अनुभव येईल.
विदर्भ
विदर्भातही आज आणि उद्या हलक्या पावसाची शक्यता वर्तविण्यात आली आहे.
वाऱ्याचा वेग
उत्तर कोकण, घाटमाथा आणि मध्य महाराष्ट्रात काही ठिकाणी वारे ३० ते ४० किमी प्रतितास वेगाने वाहतील, त्यामुळे नागरिकांना आणि मच्छीमारांना दक्ष राहण्याचे आवाहन हवामान विभागाने केले आहे.
शेतकऱ्यांना सल्ला
* मेघगर्जना आणि विजांचा कडकडाट होण्याची शक्यता असल्याने उघड्यावर वावरणे टाळा.
* विजेपासून संरक्षणासाठी सुरक्षित स्थळी आसरा घ्या.
* जोरदार पावसामुळे नद्या, नाले दुथडी भरून वाहू शकतात, त्यामुळे पाण्याच्या प्रवाहाजवळ जाऊ नये.