Maharashtra Weather Update : राज्यात मागील काही दिवसांपासून सुरू असलेला अवकाळी पावसाचा धुमाकूळ आता थांबला असून हवामानात पुन्हा एकदा मोठा बदल दिसून येत आहे. (Maharashtra Weather Update)
IMD ने दिलेल्या माहितीनुसार, राज्यावरील अवकाळीचे संकट सध्या दूर झाले असून आता तापमानात वाढ होण्याची शक्यता वर्तविण्यात आली आहे.(Maharashtra Weather Update)
अवकाळीनंतर आता उकाड्याची चाहूल
गेल्या चार ते पाच दिवसांत राज्यातील अनेक भागांत अवकाळी पाऊस आणि गारपिटीने हजेरी लावली. यामुळे शेती पिकांचे मोठ्या प्रमाणात नुकसान झाले.
मात्र, आता पावसाची तीव्रता कमी झाली असून वातावरण कोरडे होत आहे. पुढील २४ तासांत पावसाची शक्यता कमी असून तापमानात चढ-उतार सुरूच राहणार आहेत.
फेब्रुवारी महिन्यात राज्यात थंडी, पाऊस आणि उकाडा असे तिन्ही ऋतू अनुभवायला मिळाले. यावर्षी थंडीचा प्रभाव कमी राहिला.
जानेवारीच्या सुरुवातीला झालेल्या पावसानंतर राज्यातील थंडी जवळपास गायब झाली.
तापमानाचा आढावा
देशातील नीचांकी तापमानाची नोंद भटिंडा येथे १०°C झाली
राज्यातील नीचांकी तापमान: धुळे – १२.२°C
राज्यातील उच्चांकी तापमान: अकोला – ३६.३°C
यावरून राज्यात तापमानातील मोठी तफावत दिसून येत आहे.
पुणे जिल्ह्यात उष्णतेची वाढ
पुणे जिल्ह्यात गेल्या दोन दिवसांत किमान तापमानात २ ते ३ अंशांची वाढ झाली आहे.
त्यामुळे पहाटेचा गारवा कमी झाला
दिवसभरात कमाल तापमान वाढले
दुपारचा उन्हाचा चटका तीव्र झाला
लोहगाव येथे ३५°C कमाल तापमानाची नोंद झाली.
याआधी जिल्ह्यातील शिरूर, कुरवंडे, एनडीए व हवेली परिसरात किमान तापमान ८°C पर्यंत घसरले होते. मात्र आता किमान तापमान ११ ते १२°C च्या पुढे जात आहे.
पुढील २४ तासांचा अंदाज
अवकाळी पावसाचा धोका कमी
ढगाळ वातावरण काही ठिकाणी कायम
दिवसेंदिवस उष्णता वाढण्याची शक्यता
दुपारचा उन्हाचा त्रास वाढणार
शेतकऱ्यांसाठी महत्त्वाची सूचना
* सध्याच्या बदलत्या हवामानामुळे पिकांवर ताण येऊ शकतो.
* तापमान वाढीमुळे बाष्पीभवन वाढेल.
* सिंचन व्यवस्थापन महत्त्वाचे ठरणार.
शेतकऱ्यांनी हवामानाचा अंदाज लक्षात घेऊन शेती नियोजन करावे, असे आवाहन हवामान विभागाने केले आहे.
राज्यात आता अवकाळीचा धोका कमी झाला असला तरी उष्णतेचा जोर वाढणार असल्याने नागरिकांनी आणि शेतकऱ्यांनी सतर्क राहणे गरजेचे आहे.
Web Summary : Maharashtra's weather update indicates upcoming changes. Stay informed about the latest forecasts and be prepared for potential shifts in weather patterns across the state. Key weather developments are being closely monitored. Updates will be provided as necessary to ensure public awareness and safety.
Web Summary : महाराष्ट्र मौसम अपडेट आगामी बदलावों का संकेत देता है। नवीनतम पूर्वानुमानों के बारे में सूचित रहें और राज्य भर में मौसम के संभावित बदलावों के लिए तैयार रहें। मुख्य मौसम विकास की बारीकी से निगरानी की जा रही है। सार्वजनिक जागरूकता और सुरक्षा सुनिश्चित करने के लिए आवश्यकतानुसार अपडेट प्रदान किए जाएंगे।