Jayakwadi Dam Water Level : मराठवाड्याला दिलासा देणारी बातमी. जायकवाडी धरण तब्बल ९० टक्क्यांपेक्षा अधिक भरले असून आज धरणाचे १८ दरवाजे उघडण्यात येणार आहेत. (Jayakwadi Dam Water)
गोदावरी नदी पात्रात मोठ्या प्रमाणात विसर्ग होणार असल्याने बीड, जालना आणि छत्रपती संभाजीनगर जिल्ह्यांना अलर्ट जारी करण्यात आला आहे. मागील वर्षी केवळ ७ टक्के पाणीसाठ्यावर असलेलं हे धरण यंदा पूर्ण क्षमतेने भरण्याच्या मार्गावर आहे. (Jayakwadi Dam Water)
मराठवाड्याच्या जीवनवाहिनी मानल्या जाणाऱ्या जायकवाडी धरणातील पाणीसाठा आज सकाळपर्यंत ९०.९८% इतका भरलेला असून, प्रशासनाने धरणाचे १८ दरवाजे अर्ध्या फुटाने उघडण्याचा निर्णय घेतला आहे. (Jayakwadi Dam Water)
आज दुपारी ३ वाजता जलसंपदा मंत्री राधाकृष्ण विखे पाटील (Water Resources Minister Radhakrishna Vikhe Patil) यांच्या हस्ते जलपूजन करून धरणाचा विसर्ग सुरू होणार आहे.(Jayakwadi Dam Water)
धरणातून एकूण ९ हजार ४३२ क्युसेक वेगाने पाणी गोदावरी नदीपात्रात सोडण्यात येणार असून, छत्रपती संभाजीनगर, बीड, आणि जालना जिल्ह्यातील नदीकाठच्या गावांना सतर्कतेचा इशारा देण्यात आला आहे.(Jayakwadi Dam Water)
धरणाची सद्यस्थिती
| घटक | तपशील |
|---|---|
| एकूण पाणीसाठा | २६९४.७७६ दलघमी |
| जिवंत साठा | १९५६.६७ दलघमी |
| पाणीसाठा % | ९०.१३% |
| पाणीपातळी | १५२०.१८ फूट |
| सध्याची आवक | १६,२३० क्युसेक |
| विसर्ग | ९,४३२ क्युसेक (१८ दरवाजांतून) |
| दरवाजे उघडण्याचा वेळी | दुपारी ३:०० वा., ३१ जुलै २०२५ |
धरण परिसरातील हालचाली
आजच्या जलपूजन आणि दरवाजे उघडण्याच्या कार्यक्रमासाठी जलसंपदा मंत्री राधाकृष्ण विखे पाटील, आमदार विलास भुमरे, कार्यकारी संचालक त्रिमनवार, मुख्य अभियंता सुनंदा जगताप व अरुण नाईक यांची उपस्थिती राहणार आहे.
कार्यकारी अभियंता प्रशांत संत यांनी दिलेल्या माहितीनुसार, विसर्ग काळात गोदावरी नदी पात्रातील पाणीपातळी वाढू शकते. त्यामुळे संबंधित जिल्हा प्रशासनाला सतर्कतेचे निर्देश देण्यात आले आहेत.
मागील वर्षीची तुलनेत यंदा समाधानकारक स्थिती
३१ जुलै २०२४ रोजी जायकवाडी धरणात केवळ ७.२३% पाणीसाठा होता.
३१ जुलै २०२५ रोजी धरण ९०% पेक्षा अधिक भरलेले असून, २०१९-२० पासून ५ वर्षांपैकी चौथ्यांदा धरण पूर्ण क्षमतेने भरले आहे.
नागरिकांसाठी सर्तकतेचा इशारा
* गोदावरी नदीकाठच्या गावांतील नागरिकांनी नदीपात्राजवळ न जाण्याचे पालन करावे.
* पशुधन, कृषी अवजारे, पाणीपात्रात ठेवलेले साहित्य सुरक्षित स्थळी हलवावे.
* प्रशासनाकडून स्थानिक नियंत्रण कक्ष सक्रिय केले गेले आहेत.
* कोणतीही आपत्कालीन सूचना आल्यास तत्काळ प्रतिसाद द्यावा.
शेतकऱ्यांसाठी दिलासादायक परिस्थिती
जायकवाडीसह इतर वरच्या धरणांतून आवक सुरु असल्यामुळे पाणी पुरवठ्याच्या दृष्टीने खरीप हंगामासाठी सकारात्मक संकेत आहेत.
नांदेड, लातूर, बीड, परभणीसारख्या जिल्ह्यांना सिंचनात फायदा होणार आहे.
जायकवाडी धरण यंदा वेळेआधी भरल्याने मराठवाड्याला दिलासा मिळाला आहे. मात्र, विसर्ग सुरू होत असल्याने नदीपात्रातील गावांनी सतर्कता पाळणं अत्यावश्यक आहे. हवामानातील बदल, पाणीसाठा आणि विसर्गावर नियमित लक्ष ठेवा.