Cold Wave in Maharashtra : महाराष्ट्रात डिसेंबर महिन्याच्या सुरुवातीलाच थंडी चांगलीच जाणवत आहे. उत्तरेकडून येणाऱ्या गार वाऱ्यांच्या प्रभावामुळे तापमानात सतत घसरण होत असून, जनजीवनावर थंडीचा प्रभाव जाणवू लागला आहे.(Cold Wave in Maharashtra)
IMD ने दिलेल्या माहितीनुसार, ४ डिसेंबर रोजी राज्यातील सर्व प्रमुख विभागांत कोरडे, गारठलेले व स्थिर वातावरण राहणार आहे.(Cold Wave in Maharashtra)
हवामान खात्याने नागरिकांना सकाळ-संध्याकाळ विशेषतः उबदार कपडे वापरणे, लहान मुले व ज्येष्ठांनी प्रदूषण व थंडीपासून संरक्षण घेणे याबाबत सूचना दिल्या आहेत.(Cold Wave in Maharashtra)
कोकण विभागासाठी मोठ्या भरतीचा इशारा, वातावरण कोरडेच
रत्नागिरी, रायगड, सिंधुदुर्ग, मुंबई, ठाणे आणि पालघर या सर्व जिल्ह्यांमध्ये हवामान कोरडे राहणार आहे. मुंबईत ४ ते ७ डिसेंबरदरम्यान सलग तीन दिवस समुद्राला मोठी भरती येणार असल्याचा महत्त्वाचा इशारा बृहन्मुंबई महापालिकेने दिला आहे. किनारपट्टी भागातील नागरिकांनी सावधानता बाळगण्याचे आवाहन करण्यात आले आहे.
मध्य महाराष्ट्रात तापमान घटले, पुण्यात १ अंशाची वाढ
धुळे, नंदूरबार, जळगाव, नाशिक, अहिल्यानगर, पुणे, कोल्हापूर, सातारा, सांगली जिल्ह्यांमध्ये हवामान पूर्णपणे कोरडे राहील. उत्तरेकडील वाऱ्यांचा वेग जरी किंचित घटलेला असला तरी पुण्यात किमान तापमानात १ अंश सेल्सिअसची वाढ नोंदवली जाणार आहे. मात्र, उशिरा रात्री आणि सकाळी गार हवा कायम राहील.
मराठवाड्यात गारठा कायम
छत्रपती संभाजीनगर, जालना, परभणी, बीड, हिंगोली, नांदेड, लातूर आणि धाराशिव या सर्व जिल्ह्यांत कोरडे आणि गारठलेले हवामान कायम राहणार आहे. काही भागात सकाळी दवबिंदू वाढल्यामुळे थंडीसोबत थंडगार ढगांचे वातावरण जाणवेल. शेतकऱ्यांनी रात्रीच्या तापमानातील घसरण लक्षात घेऊन संवेदनशील पिकांचे संरक्षण करण्याचा सल्ला देण्यात आला आहे.
विदर्भात स्थिर तापमान, अमरावतीत १३ अंशांनी घट
विदर्भातील नागपूर, अमरावती, अकोला, बुलढाणा, वर्धा, भंडारा, गोंदिया, चंद्रपूर आणि गडचिरोली या जिल्ह्यांत तापमानात मोठा चढ-उतार होणार नाही. अमरावतीत किमान तापमान १३ अंश सेल्सिअस राहण्याचा अंदाज आहे. एकूणच प्रदेशात हलका गारवा आणि कोरडे वातावरण कायम राहील.
पुढील २४ तास महत्त्वाचे
राज्यभर कोरडे व गार वातावरण
किमान तापमान काही भागांत आणखी कमी होण्याची शक्यता
मुंबईत मोठी भरती येणार सावधानतेचा इशारा
मराठवाड्यात गारठा वाढलेला
विदर्भात तापमान स्थिर राहील
शेतकऱ्यांना सल्ला
* रात्री थंडी वाढत असल्याने संवेदनशील पिकांवर (टोमॅटो, भाजीपाला, उसाचे रोपे, डाळी पिके) हलके पिकावरण (Mulching) वापरा.
* शक्य असल्यास धूर व्यवस्थापन करा.
* पिकांवर रात्रीच्या वेळेत अनावश्यक पाणी टाकू नका, त्यामुळे गारठा वाढू शकतो, असा सल्ला देण्यात आला आहे.
Web Summary : Maharashtra's weather update indicates the current conditions. Details of weather patterns are being closely monitored across the state. Stay updated for potential changes.
Web Summary : महाराष्ट्र मौसम अपडेट वर्तमान स्थितियों को दर्शाता है। राज्य भर में मौसम के पैटर्न पर बारीकी से निगरानी रखी जा रही है। संभावित बदलावों के लिए अपडेट रहें।