PM-SYM Scheme : आजही देशभरात मोठ्या संख्येने लोकांकडे कायमस्वरूपी नोकरी नाही. त्यामुळे अनेकदा त्यांना आर्थिक संकटाचा सामना करावा लागतो. ही समस्या लक्षात घेऊन सरकारने 'प्रधानमंत्री श्रम योगी मान-धन योजना' सुरू केली आहे, ज्याअंतर्गत वृद्धापकाळाची चिंता असलेल्यांना वयाच्या ६० वर्षांनंतर ३ हजार रुपयांचे निवृत्तीवेतन मिळेल. काय आहे ही योजना समजून घेऊयात...
किती पेन्शन मिळेल?
प्रधानमंत्री श्रम योगी मानधन योजनेअंतर्गत, जर तुमचे वय १८ ते ४० वर्षांच्या दरम्यान असेल, तुम्ही दरमहा १५ हजार रुपये कमवत असाल आणि EPFO किंवा ESIC चे सदस्य नसाल, तर तुम्ही खालीलप्रमाणे या योजनेचा लाभ घेऊ शकता :
- प्रधानमंत्री श्रम योगी मान-धन योजनेअंतर्गत, गरीब मजुरांना दरमहा १०० रुपये दिले जातील.
- यानंतर, वयाच्या ६० वर्षांनंतर या योजनेतील रक्कम ३ हजार रुपयांच्या मासिक पेन्शनच्या स्वरूपात दिली जाईल.
आवश्यक कागदपत्रे कोणती आहेत?
जर तुम्ही या सरकारी योजनेत सहभागी होण्यास इच्छुक असाल, तर तुमच्याकडे खालील कागदपत्रे असणे आवश्यक आहे: तुमचे आधार कार्ड आणि बचत बँक खात्याचे पासबुक, तसेच बँकेकडून हप्त्यांच्या कपातीसाठी ऑटो-डेबिटला अधिकृत करणारा एक फॉर्म.
या योजनेत कोण सहभागी होऊ शकतात?
प्रधानमंत्री श्रम योगी मान-धन योजनेअंतर्गत, हे लोक या सरकारी योजनेत सामील होऊ शकतात, ज्यामध्ये पथविक्रेते, मेकॅनिक, कचरा वेचणारे, घरगुती कामगार, रिक्षाचालक, मजूर, शेतमजूर, विडी कामगार, हातमाग कामगार, चामड्याचे काम करणारे यांना या योजनेचा लाभ मिळेल.
पीएम-एसवायएम (PM-SYM) साठी अर्ज कसा करावा?
जर तुम्हाला या योजनेचा अर्ज करायचा असल्यास तर तुम्ही कॉमन सर्व्हिस सेंटरला (Common Service Center) भेट देऊन पीएम-एसवायएम (PM-SYM) योजनेसाठी अर्ज करू शकता. याव्यतिरिक्त, तुम्ही एलआयसी (LIC), ईपीएफओ (EPFO) किंवा ईएसआयसी (ESIC) कार्यालयात नोंदणी करून वयाच्या ६० वर्षांनंतर ३ हजार रुपयांचे मासिक निवृत्तीवेतन मिळवू शकता.