विंचूरला कांद्याची विक्रमी आवक, कांदा बाजारभावही टिकून

लासलगावच्या उपबाजार समितीत आज २९ सप्टेंबर रोजी कांद्याची विक्रमी आवक झाली असून कालच्या तुलनेत बाजारभाव टिकून असल्याचे दिसून आले.

विंचूर येथील कांदा व्यापाऱ्यांनी संपात सहभागी न होता, कालपासून पुन्हा कांदा खरेदीला सुरूवात केल्याने येथे परिसरातील शेतकऱ्यांसह जवळच्या तालुक्यातील शेतकऱ्यांनी आपला कांदा घेऊन चांगलीच गर्दी केली. त्यामुळे आज दिनांक २९ सप्टेंबर रोजी येथे विक्रमी कांदा आवक झाल्याची माहिती विंचूर बाजारसमितीचे सहसचिव अशोक गायकवाड यांनी दिली. 

आज येथे सकाळ आणि दुपारच्या सत्रात येथे एकूण उन्हाळ कांद्याची  १४९४ नग आवक झाली. सर्व मिळून एकूण १८ हजार क्विंटल आवक झाल्याची माहिती उपबाजारसमितीने कळवले आहे. 

आज सकाळी ९०५ नग  कांदा आवक झाली. सकाळच्या सत्रात कमीत कमी ११००, जास्तीत जास्त २४००, तर सरासरी २१०० रुपये प्रतिक्विंटल असे दर होते. दुपारी त्यात थोडीशी वाढ झाल्याचे पाहायला मिळाले.  एकूण दिवसभरात किमान ११००- जास्तीत जास्त  २५०० आणि सरासरी २१०० असे भाव होते.

दरम्यान अनेक दिवसांच्या खंडानंतर  लासलगाव उपबाजार समितीत कांदा लिलाव सुरू झाल्याने शेतकऱ्यांना दिलासा मिळाला आहे. मध्यंतरीच्या पावसाळी वातावरणाने अनेक शेतकऱ्यांचा कांदा खराब होत होता. मात्र आता त्यांना कांदा विकता येण्याची सोय झाल्याने त्यांच्यात उत्साहाचे वातावरण होते.

दुसरीकडे कालपासून विंचूर येथील व्यापारी वर्गाचेही कांदा खरेदीसाठी सहकार्य मिळत आहे. येथील कांदा व्यापाऱ्यांनी घेतलेल्या अनोख्या निर्णयामुळे ही कांदा खरेदी सुरू झाली आणि शेतकऱ्यांना पुन्हा आपला माल विकता येत आहे, त्यामुळे शेतकऱ्यांनी समाधान व्यक्त केले आहे.

राज्यातील प्रमुख बाजारसमित्यांमध्ये आज कांदा बाजार भाव असे होते

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
कोल्हापूर	---	क्विंटल	3419	1000	2600	1800
अकोला	---	क्विंटल	722	1500	2200	1800
चंद्रपूर - गंजवड	---	क्विंटल	320	2500	5000	3400
जुन्नर - नारायणगाव	चिंचवड	क्विंटल	34	500	2300	1500
सोलापूर	लाल	क्विंटल	12377	100	3200	1600
जळगाव	लाल	क्विंटल	534	1000	2125	1550
साक्री	लाल	क्विंटल	1505	1000	2345	2000
पुणे -पिंपरी	लोकल	क्विंटल	22	1200	2600	1900
चाळीसगाव-नागदरोड	लोकल	क्विंटल	800	800	2276	1800
मंगळवेढा	लोकल	क्विंटल	108	1380	2500	2200
सोलापूर	पांढरा	क्विंटल	233	200	4400	2300
नाशिक	उन्हाळी	क्विंटल	2391	800	2500	2250
लासलगाव - विंचूर	उन्हाळी	क्विंटल	18000	1100	2501	2100
संगमनेर	उन्हाळी	क्विंटल	4762	200	2611	1405
कोपरगाव	उन्हाळी	क्विंटल	315	525	2125	2000