चंपाषष्ठीमुळे वांग्यांच्या दरात वाढ झाली असून, नाशिक जिल्ह्यातील मनमाडच्या बाजारात मंगळवारी साध्या व भरताच्या वांग्यांची १२० रुपये किलो दराने विक्री झाली. दरम्यान मनमाड शहरातील भाजी बाजारात गेल्या दोन दिवसांपासून भाज्यांच्या दरात मोठी तेजी दिसून येत आहे.
भाज्यांचे भाव जवळपास दुप्पट झाले आहे. चंपाषष्ठीमुळे साधी व भरताची वांगी १२० रुपये किलो दराने विकली जात आहेत. मनमाडला इतर भाज्यांचे दरही वधारले असून, गिलकी ८० रुपये किलो, दोडकी ८० रुपये किलो, टमाटे ८० रुपये किलो, फ्लॉवर ८० ते १०० रुपये किलो, शिमला मिरची १०० रुपये किलो, शेवग्याच्या शेंगा २०० रुपये किलो, आले १०० रुपये किलो.
कांदे २० रुपये किलो, बटाटे ३० रुपये किलो, गड्डा कोबी (लहान) गड्डा २० रुपये नग, वालाच्या शेंगा ८० रुपये किलो, मेथीची जुडी २५ ते ३० रुपये नग, शेपू २० रुपये जुडी, कांदापात २० रुपये जुडी, पालक २० रुपये जुडी, कोथिंबीर १५ ते २० रुपये जुडी.
हिरवी मिरची ६० ते ८० रुपये किलो, दुधी भोपळा २० ते ३० रुपये नग, लसूण ८० रुपये किलो, गाजर ६० रुपये किलो, वाटाणे २०० रुपये किलो, श्रावण घेवडा ८० रुपये किलो, तर भेंडी ८० रुपये किलो असे दर होते. चंपाषष्ठीमुळे वांग्याच्या दरात वाढ झाल्याचे भाजी विक्रेते भगवान परदेशी यांनी सांगितले.
कृषी पणन मंडळाच्या अधिकृत माहितीनुसार राज्यातील वांग्याची आवक व दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 26/11/2025 | ||||||
| अकलुज | --- | क्विंटल | 12 | 2500 | 6800 | 5500 |
| छत्रपती संभाजीनगर | --- | क्विंटल | 26 | 3000 | 6000 | 4500 |
| खेड-चाकण | --- | क्विंटल | 245 | 3000 | 5000 | 4000 |
| श्रीरामपूर | --- | क्विंटल | 23 | 5500 | 6000 | 5750 |
| कळमेश्वर | हायब्रीड | क्विंटल | 25 | 2520 | 3000 | 2810 |
| अमरावती- फळ आणि भाजीपाला | लोकल | क्विंटल | 59 | 1800 | 2400 | 2100 |
| पुणे -पिंपरी | लोकल | क्विंटल | 1 | 3000 | 6000 | 4500 |
| मुंबई | लोकल | क्विंटल | 739 | 2600 | 4400 | 3500 |
| भुसावळ | लोकल | क्विंटल | 26 | 5500 | 8000 | 7500 |
| वाई | लोकल | क्विंटल | 10 | 4000 | 5500 | 5000 |
| कामठी | लोकल | क्विंटल | 13 | 3520 | 4020 | 3770 |
हेही वाचा : बाजारात आलेली हरभऱ्याची हिरवी भाजी खा, रोगप्रतिकारशक्ती वाढवा; आहारतज्ज्ञांचा सल्ला