आज देशभरात ईदचा उत्साह असून अनेक बाजार समित्यांना सुट्टी आहे. त्यामुळे काही निवडक बाजार समित्यांमध्ये कांद्याचे लिलाव पार पडले आहेत. आज राज्यभरात कांद्याची आवक घटली असून केवळ 31 हजार 846 क्विंटल आवक झाली आहे. तर आज कांद्याला सरासरी 1000 रुपयांपासून ते 1300 रुपयापर्यंत बाजारभाव मिळाला. विशेष म्हणजे आज आवक घटण्याबरोबर दरातही घसरण झाल्याचे दिसून आले.
आज 11 एप्रिल 2024 पणन मंडळाच्या अधिकृत माहितीनुसार राज्यात निवडक बाजार समित्यामध्ये लाल, लोकल, उन्हाळ कांद्याचे लिलाव पार पडले. यात सर्वाधिक 10 हजार क्विंटल उन्हाळ कांद्याची आवक लोणंद बाजार समितीत झाली. त्या खालोखाल पुणे, लासलगाव - विंचूर या बाजार समित्यांमध्ये सर्वाधिक आवक झाली. यात पुणे बाजार समितीत लोकल कांद्याला सरासरी 1100 रुपये दर मिळाला.
जुन्नर बाजार समितीत चिंचवड कांद्याला सरासरी केवळ 900 रुपये दर मिळाला. धाराशिव बाजार समितीत लाल कांद्याला सरासरी 1250 रुपये दर मिळाला. लासलगाव - विंचूर बाजार समितीत उन्हाळ कांद्याला सरासरी 1400 रुपये दर मिळाला.
असे आहेत आजचे कांदा दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 11/04/2024 | ||||||
| जुन्नर | चिंचवड | क्विंटल | 1629 | 500 | 1700 | 900 |
| धाराशिव | लाल | क्विंटल | 5 | 1000 | 1500 | 1250 |
| भुसावळ | लाल | क्विंटल | 16 | 1000 | 1500 | 1200 |
| पुणे | लोकल | क्विंटल | 9825 | 600 | 1600 | 1100 |
| पुणे- खडकी | लोकल | क्विंटल | 23 | 1000 | 1600 | 1250 |
| पुणे -पिंपरी | लोकल | क्विंटल | 22 | 1400 | 1600 | 1500 |
| पुणे-मोशी | लोकल | क्विंटल | 1195 | 500 | 1400 | 950 |
| शेवगाव | नं. १ | नग | 500 | 1100 | 1500 | 1100 |
| शेवगाव | नं. २ | नग | 660 | 600 | 1000 | 1000 |
| शेवगाव | नं. ३ | नग | 410 | 250 | 500 | 500 |
| लासलगाव - विंचूर | उन्हाळी | क्विंटल | 8200 | 700 | 1521 | 1400 |
| राहूरी -वांबोरी | उन्हाळी | क्विंटल | 931 | 200 | 1600 | 1000 |
| लोणंद | उन्हाळी | क्विंटल | 10000 | 900 | 1551 | 1200 |