मनमाड : इराण इस्त्रायल-अमेरिका या युद्धाचा मोठा परिणाम जगभरातील सर्वच देशांवर झालेला दिसून येत आहे. भारतदेखील याला अपवाद नाही. देशातील बाजारपेठेवर याचा मोठा परिणाम झाला असून, मनमाड कृषी उत्पन्न बाजार समितीत गेल्या ३० दिवसात कांद्याच्या भावात ३० टक्क्यांची घसरण झाल्याचे दिसून आले आहे.
२८ फेब्रुवारी रोजी युद्ध सुरू झाल्यानंतर सात दिवसात कांद्याच्या किमान दरात वीस टक्के घसरण झाली आहे. युद्ध असेच सुरू राहिले तर ही घसरण पुढेदेखील चालू राहण्याची शक्यता आहे. एकीकडे मॉरिशसला एक लाख मेट्रिक टन कांदा पाठवला जाणार आहे. दुसरीकडे शेतकऱ्यांना गेल्या अनेक महिन्यापासून आर्थिक नुकसानीला सामोरे जावे लागत आहे.
दि. ७ फेब्रुवारी रोजी मनमाड कृषी उत्पन्न बाजार समितीत कांद्याचा किमान भाव २०० रुपये प्रतिक्विंटल तर कमाल भाव १३६१ रुपये प्रतिक्विंटल होता. सरासरी भाव ११५० रुपये इतका होता.
शनिवारी (दि. ७) किमान भाव कमाल भाव १०७६ सरासरी भाव ८०० रुपये होता. २७ फेब्रुवारीला असलेला सरासरी भाव २८ फेब्रुवारी रोजी युद्धजन्य परिस्थितीमुळे २०० रुपयांनी उतरला आहे. युद्धजन्य परिस्थितीमुळे कांदा निर्यातीस अडथळा आल्याने व देशांतर्गत उत्पादन वाढल्यामुळे भाव कोसळले आहेत.
Kanda Bajar Bhav : लाल कांदा विकायचा का ठेवायचा, मार्च एण्डपर्यंत कांदा दर काय राहतील?
आजचे सकाळ सत्रातील दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 11/03/2026 | ||||||
| छत्रपती संभाजीनगर | --- | क्विंटल | 4190 | 400 | 1200 | 800 |
| मुंबई - कांदा बटाटा मार्केट | --- | क्विंटल | 10434 | 800 | 1500 | 1150 |
| खेड-चाकण | --- | क्विंटल | 10000 | 700 | 1300 | 1000 |
| मालेगाव-मुंगसे | लाल | क्विंटल | 20000 | 150 | 1180 | 850 |
| पुणे | लोकल | क्विंटल | 13165 | 500 | 1500 | 1000 |
| पुणे -पिंपरी | लोकल | क्विंटल | 10 | 1200 | 1600 | 1400 |
| कामठी | लोकल | क्विंटल | 3 | 2030 | 2530 | 2280 |