राज्यातील कुठल्या बाजार समितीत कांद्याला सर्वाधिक भाव, जाणून घ्या आजचे बाजारभाव 

राज्यातील बाजार समित्यामध्ये आज लाल कांद्यासह उन्हाळ कांद्याला काय बाजारभाव मिळाला, हे जाणून घेऊयात..

कांद्याचा प्रश्न बिकट होत चालला असून बाजारभावामुळे शेतकरी नाराज आहेत. सद्यस्थिती 1600 ते 1700 रुपये सरासरी भाव मिळू लागला आहे. मात्र महिनाभरापूर्वी नऊशे ते हजार, अकराशे अशा बाजारभावानेकांदा विक्री सुरु होती. आजच्या पणन मंडळाच्या अधिकृत माहितीनुसार लासलगाव बाजार समितीमध्ये लाल कांद्याला सरासरी 1840 रुपये बाजारभाव मिळाला आहे. मागील काही दिवसांच्या तुलनेत आज समाधानकारक भाव मिळाला आहे. 

आज 05 मार्च रोजी पणन मंडळाच्या अधिकृत माहितीनुसार पस्तीसहून अधिक बाजार समित्यामध्ये कांद्याची आवक झाली. आज लाल कांद्यासोबत लोकल, नंबर एक, पोळ, उन्हाळ कांद्याची आवक झाली. विशेष म्हणजे आजच्या दिवसातील सर्वाधिक 1840 रुपयांचा भाव लासलगाव बाजारसमितीमध्ये लाल कांद्याला मिळाला आहे. आज सर्वाधिक 18 हजार क्विंटलची आवक पुणे बाजार समितीमध्ये झाली. म्हणजेच कालच्या तुलनेत आज कांद्याची आवक घटल्याचे दिसून आले, मात्र बाजारभावात काहीशी वाढ झाल्याचे समाधानकारक चित्रही पाहायला मिळाले. 

लासलगाव बाजार समितीमध्ये लाल कांद्याची 7 हजार 633 क्विंटलची आवक झाली. या ठिकाणी सरासरी 1840 रुपयांचा बाजारभाव मिळाला. तर उन्हाळ कांद्याची 1215 क्विंटल आवक झाली होती. उन्हाळ कांद्याला सरासरी 1750 रुपयांचा बाजारभाव मिळाला. आजच्या दिवसातील सर्वाधिक 2000 रुपयांचा बाजारभाव हा लोकल कांद्याला कामठी बाजार समितीत मिळाला. तर सर्वात कमी म्हणजेच सरासरी 900 रुपयांचा बाजारभाव पुणे मोशी बाजार समितीत मिळाला आहे. 

उन्हाळ कांद्याची आवक वाढली 

दरम्यान लासलगाव बाजार समितीत आज उन्हाळ कांद्याची 1215 क्विंटलची आवक झाली. सरासरी 1750 रुपयांचा बाजारभाव मिळाला. पिंपळगाव बाजार   समितीत उन्हाळ कांद्याची 400 क्विंटलची आवक झाली. या कांद्याला सरासरी 1700 रुपयांचा बाजारभाव मिळाला. देवळा बाजार समितीत देखील उन्हाळ कांद्याची 280 क्विंटलची आवक झाली होती. या कांद्याला सरासरी 1500 रुपयांचा बाजारभाव मिळाला. एकूणच उन्हाळ कांद्याच्या दरात वाढ होताना दिसते आहे. 

असे आहेत सविस्तर दर.. 

 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
05/03/2024
कोल्हापूर	---	क्विंटल	4394	600	1900	1200
छत्रपती संभाजीनगर	---	क्विंटल	2736	600	2200	1400
मुंबई - कांदा बटाटा मार्केट	---	क्विंटल	8917	1300	1900	1600
खेड-चाकण	---	क्विंटल	175	1400	2000	1700
राहता	---	क्विंटल	2108	600	2200	1500
येवला -आंदरसूल	लाल	क्विंटल	3000	400	1870	1750
धुळे	लाल	क्विंटल	1200	300	1800	1400
लासलगाव	लाल	क्विंटल	7633	900	1975	1840
सिन्नर	लाल	क्विंटल	2304	500	1760	1600
सिन्नर - नायगाव	लाल	क्विंटल	321	500	1775	1700
कळवण	लाल	क्विंटल	5050	850	1775	1321
चांदवड	लाल	क्विंटल	4000	1080	1939	1730
मनमाड	लाल	क्विंटल	3000	500	1896	1675
सटाणा	लाल	क्विंटल	5320	200	1885	1560
पेन	लाल	क्विंटल	468	1800	2000	1800
पाथर्डी	लाल	क्विंटल	47	300	1500	1200
दिंडोरी-वणी	लाल	क्विंटल	6257	1100	2102	1681
देवळा	लाल	क्विंटल	4200	370	1750	1650
पुणे	लोकल	क्विंटल	18308	600	1800	1200
पुणे- खडकी	लोकल	क्विंटल	7	1000	1300	1150
पुणे -पिंपरी	लोकल	क्विंटल	6	1500	1700	1600
पुणे-मोशी	लोकल	क्विंटल	625	600	1200	900
चाळीसगाव-नागदरोड	लोकल	क्विंटल	3500	700	1820	1650
कामठी	लोकल	क्विंटल	23	1500	2500	2000
पिंपळगाव बसवंत	पोळ	क्विंटल	13000	400	1966	1725
लासलगाव	उन्हाळी	क्विंटल	1215	501	1820	1750
पिंपळगाव बसवंत	उन्हाळी	क्विंटल	400	1500	1970	1700
देवळा	उन्हाळी	क्विंटल	280	1000	1600	1500