चाकण : खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये आखाती देशांत सुरू असलेल्या युद्धाचा फटका शेतमालाला बसल्याने आवक वाढल्याने बाजारभावात घसरण झाली.
कांदा, वांगी, फ्लॉवर, वाटाणा, हिरवी मिरची, टोमॅटो यांची भरपूर आवक झाल्याने भाव गडगडले. चाकण येथील पालेभाज्यांच्या बाजारात पालक व मेथीची आवक वाढूनही भावात किंचित वाढ झाली. एकूण उलाढाल ६ कोटी २० लाख रुपये झाली.
चाकण येथील बाजारात कांद्याची एकूण १२ हजार क्विंटल आवक झाली. मागील आठवड्याच्या तुलनेत ही आवक ३ हजार क्विंटलने वाढूनही कांद्याचा कमाल भाव १,४०० रूपांतर स्थिरावला.
बटाट्याची एकूण आवक १,४०० क्विंटल झाली. ही आतक स्थिर राहूनही बटाट्याला १,२०० रुपये भाव मिळाला. लसणाची एकूण आवक ५० क्विंटल झाली.
हिरव्या मिरचीची एकूण आवक ३२५ क्विंटल झाली. हिरव्या मिरचीला ५ हजार रुपयांपासून ते ७ हजार रुपयांपर्यंत भाव मिळाला.
शेतमालाची आवक व बाजारभाव
कांदा
एकूण आवक - १२,००० क्विंटल
भाव क्रमांक १) १,४०० रुपये
भाव क्रमांक २) १,२०० रुपये
भाव क्रमांक ३) ८०० रुपये
बटाटा
एकूण आवक - १,४०० क्विंटल
भाव क्रमांक १) २,००० रुपये
भाव क्रमांक २) १,००० रुपये
भाव क्रमांक ३) ८०० रुपये.
अधिक वाचा: लाल मिरचीच्या दरात दुपटीने वाढ, मसालेही खाता आहेत भाव; वाचा किलोला किती रुपये दर?