पंतप्रधान किसान सन्मान निधी योजनेचा डिसेंबर २०२५ ते मार्च २०२६ कालावधीतील २२ वा हप्ता शुक्रवारी (दि. १३) पंतप्रधान नरेंद्र मोदी यांच्या हस्ते देण्यात आला. ज्यात राज्यातील ९१ लाख १८ हजार ८३१ शेतकऱ्यांना १ हजार ८३७कोटी रुपयांचे वितरण करण्यात आले. यापूर्वी राज्यातील पात्र शेतकरी कुटुंबांना २१ हप्त्यांमध्ये ३९ हजार ३०० कोटींचा लाभ थेट खात्यात जमा झाला आहे.
पंतप्रधान नरेंद्र मोदी यांच्या हस्ते गुवाहाटी येथे शेतकऱ्यांना लाभवितरणाचा कार्यक्रम झाला. केंद्र शेतकऱ्यांना फेब्रुवारी २०१९ पासून ही योजना सुरू केली आहे. या योजनेच्या निकषांनुसार पात्र शेतकरी कुटुंबास (पती, पत्नी व त्यांची १८ वर्षाखालील अपत्ये) २ हजार रुपये प्रतिहप्ता याप्रमाणे तीन समान हप्त्यात दरवर्षी ६ हजार रुपये त्यांच्या आधार संलग्न बँक खात्यात जमा होतात. राज्यातील पात्र शेतकरी कुटुंबांना आतापर्यंत २१ हप्त्यांमध्ये ३९ हजार ३०० कोटींचा लाभ जमा झाला आहे.
जिल्हानिहाय लाभार्थी शेतकऱ्यांची संख्या अशी
| जिल्हा | शेतकरी संख्या | जिल्हा | शेतकरी संख्या | जिल्हा | शेतकरी संख्या |
| मुंबई उप. | - | मुंबई शहर | - | पालघर | १०१६३५ |
| ठाणे | ७२३४० | रायगड | ११५२९१ | रत्नागिरी | १५७१७७ |
| सिंधुदुर्ग | ११९४४६ | कोल्हापूर | ४६४८६९ | सांगली | ३८१४५२ |
| सातारा | ४३८६६८ | पुणे | ४३३७०६ | अहिल्यानगर | ५४५२८० |
| जालना | २९६३४६ | छ. संभाजीनगर | ३४४०१४ | नाशिक | ४२८६६२ |
| सोलापूर | ४९२४४१ | धुळे | १५५५९८ | नंदुरबार | १०३३६३ |
| जळगाव | ३९५३६९ | बुलढाणा | ३४०००१ | वर्धा | १२९०५७ |
| नागपूर | १७३५२५ | भंडारा | २१४२२९ | अमरावती | २७११९० |
| गोंदिया | २१७७०० | अकोला | १८८२४० | वाशिम | १६६९६७ |
| यवतमाळ | २९०९२७ | चंद्रपूर | २४६३०९ | परभणी | २५०२०२ |
| गडचिरोली | १४६१४७ | लातूर | २६९६७७ | नांदेड | ३८४५२७ |
| हिंगोली | १७५८०७ | बीड | ३७२३८४ | धाराशिव | २३६२८५ |
| एकूण | ९११८८३१ | - | - | - | - |
सलग्न खात्याचे इ-केवायसी हवे
९१ लाख १८ हजार ८३१ शेतकरी कुटुंबांना १ हजार ८३७ कोटी रुपयांचा लाभ त्यांच्या आधार संलग्न बँक लाभासाठी केंद्राने खात्यात थेट हस्तांतरणाद्वारे जमा झाला आहे. योजनेच्या लाभार्थ्याने भूमी अभिलेख नोंदणी अद्ययावत करणे, आधार संलग्न, ई-केवायसी बंधनकारक करण्यात आले आहे.