Rabi Pik Vima : गहू, हरभरा व कांदा पीक विमा योजनेचा हप्ता भरण्यासाठी अंतिम मुदत १५ डिसेंबर

rabi pik vima yojana रब्बी हंगामातील पीक विमा योजनेत सहभागी होण्यासाठी ज्वारी उत्पादकांना शेवटचे दोन दिवस उरले आहेत.

पुणे : रब्बी हंगामातील पीक विमा योजनेत सहभागी होण्यासाठी ज्वारी उत्पादकांना शेवटचे दोन दिवस उरले आहेत. आत्तापर्यंत राज्यात सुमारे सव्वा तीन लाखांहून अधिक अर्ज आले आहेत.

गेल्या वर्षी हाच आकडा ५५ लाख इतका होता. गहू, हरभरा व कांदा पिकासाठी १५ डिसेंबरची मुदत असल्याने सहभागी शेतकरी अर्जाची संख्या वाढेल, अशी आशा कृषी विभागाने व्यक्त केली आहे.

अर्ज केलेल्या शेतकऱ्यांमध्ये लातूर विभागाने आघाडी घेतली असून या विभागात आतापर्यंत १ लाख ३६ हजार शेतकरी अर्ज संख्या आहे तर संभाजीनगर विभागात ७८ हजार शेतकऱ्यांचे अर्ज आले आहेत.

केंद्र सरकारने रब्बी हंगामातील ज्वारी गहूहरभरा कांदा भात आणि उन्हाळी भुईमूग या सहा पिकांसाठी विमा योजना जाहीर केली आहे.

ज्वारी पिकासाठी विमा उतरवण्याची अंतिम मुदत ३० नोव्हेंबर आहे. त्यामुळे सहभागासाठी शेवटचे दोन दिवस शिल्लक राहिले आहेत.

तर गहू हरभरा व कांदा पिकासाठी ही मुदत १५ डिसेंबर अशी आहे. उन्हाळी भात व भुईमूग पिकासाठी अंतिम मुदत ३१ मार्च २०२६ अशी ठेवण्यात आली आहे.

राज्यात आतापर्यंत १ लाख ६५ हजार ११ शेतकऱ्यांनी ३ लाख २६ हजार १६८ अर्ज केले आहेत. या अर्जानुसार २ लाख ६ हजार ९९५ हेक्टरवरील पिकांचा विमा उतरविण्यात आला आहे. गेल्या वर्षी या योजनेत २८ लाख ५३ हजार ४९९ शेतकऱ्यांनी ५५ लाख १७ हजार ८१४ अर्ज आले होते.

रब्बी हंगामात सबंध राज्यभर गहू व हरभरा या दोन पिकांचे क्षेत्र मोठ्या प्रमाणावर असते तसेच ओलिताची सोय असलेल्या जिल्ह्यांमध्ये कांद्याचे क्षेत्रही मोठे असते. या तिन्ही पिकांसाठी अंतिम मुदत १५ डिसेंबर आहे, असे कृषी विभागाने सांगितले.

विभागनिहाय अर्ज संख्याकोकण - ६नाशिक - ७,९४६पुणे - ४३,०२७कोल्हापूर - १९,६४९संभाजीनगर - ७९,३९९लातूर - १,३७,००१अमरावती - ३७,४५२नागपूर - १,५१९एकूण - ३,२६,१६८

फळपीक योजनेमध्ये २ लाख १३ हजार अर्ज◼️ पुनर्रचित हवामान आधारित फळपिक विमा योजनेत आंबिया बहार (रब्बी) मध्ये आतापर्यंत २ लाख १३ हजार ६५६ अर्ज प्राप्त झाले आहेत.◼️ गेल्या वर्षी २ लाख ३५ हजार ७२५ अर्ज आले होते. काजू, संत्रा व आंबा (कोकण विभागासाठी) फळपीक विमा योजनेत सहभाग घेण्याची अंतिम मुदत ३० नोव्हेंबर आहे.◼️ आंबा पिकासाठी कोकण विभाग वगळून इतर जिल्ह्यांसाठी ३१ डिसेंबर व डाळिंब पिकासाठी १४ जानेवारी २०२६ ही अंतिम मुदत आहे.

अधिक वाचा: शेतात ड्रोन उडवण्यासाठी आता परवानगीची गरज नाही; केंद्र सरकारने 'हा' नियम केला शिथिल