पुणे : राज्यात खासगी तत्त्वावर नोंदणी व मुद्रांक शुल्क कार्यालये उभारण्यासाठी तीन कंपन्यांनी तयारी दर्शविली असून, त्यांच्या प्रस्तावांची छाननी सुरू करण्यात आली आहे.
लवकरच हे कार्यालये सुरू करण्यात येणार असून पुणे शहरात तीन कार्यालय उभारण्याचे नोंदणी व मुद्रांक शुल्क विभागाचे नियोजन आहे. अशी माहिती नोंदणी उपमहानिरीक्षक अभयसिंह मोहिते यांनी दिली.
दस्तनोंदणीसाठी दुय्यम निबंधक कार्यालयात होणारी गर्दी, अपुऱ्या सुविधा आणि त्यामुळे वेळेचा अपव्यय होता.
नोंदणी व मुद्रांक शुल्क विभागाने यासाठी महत्त्वाकांक्षी निर्णय घेतला असून खासगी संस्थांच्या माध्यमातून राज्यात ६० खासगी दस्तनोंदणी कार्यालये सुरू करण्यात येणार आहेत.
या कार्यालयांतून नागरिकांना अत्याधुनिक आणि आरामदायक वातावरणात दस्तनोंदणीची सुविधा उपलब्ध करून देणार आहे.
ही कार्यालये पासपोर्ट कार्यालयाच्या धर्तीवर सुविधा पुरवणार आहेत. अशा कार्यालयांसाठी खासगी मदत घेण्यात येणार आहे.
अधिक वाचा: शक्तीपीठ महामार्ग आराखड्यात केले ‘हे’ मोठे बदल; कसा आहे नवीन आराखडा? वाचा सविस्तर