वाशिम : बदलते हवामान, वाढते कीड-रोग आणि रासायनिक खर्च याच्या पार्श्वभूमीवर बेलोरा (ता. मानोरा) येथील प्रगतशील शेतकरी विशाल ठाकरे यांनी चवळी पिकात ज्वारी-बाजरीची झाडे लावून 'नैसर्गिक पक्षी थांबे' तयार करण्याचा अभिनव प्रयोग यशस्वी केला.
ठाकरे यांनी चवळीच्या पिकात लावलेल्या ज्वारी व बाजरीच्या उंच झाडांमुळे पक्ष्यांना बसण्यासाठी ठिकाण मिळते. त्यामुळे विविध पक्षी हानिकारक किडींवर नैसर्गिक नियंत्रण करतात.
जैवविविधतेचे संवर्धन
कृषितज्ज्ञांच्या मते, या पद्धतीमुळे अळ्यांचे प्रमाण कमी होऊन रासायनिक कीटकनाशकांचा वापर घटतो, परिणामी उत्पादन खर्चात बचत होते. तसेच जैवविविधतेचे संवर्धन होऊन शेतीतील पर्यावरण संतुलन राखले जाते.
तालुका कृषी अधिकारी रोशन भागवत व मंडळ अधिकारी उमेश राठोड यांनी शेताला भेट देऊन प्रयोगाची पाहणी केली व शेतकऱ्याच्या प्रयोगाचे कौतुक केले. कमी खर्चात अधिक उत्पादन देणारा हा प्रयोग भविष्यात राज्यभरातील शेतकऱ्यांसाठी मार्गदर्शक ठरण्याची शक्यता आहे.
चवळी पिकात ज्वारी-बाजरीचे 'पक्षी थांबे' तयार करणे ही अत्यंत प्रभावी व शेतकऱ्यांचा खर्च कमी होतो. हा प्रयोग इतर शेतकऱ्यांनीही अवलंबल्यास शाश्वत शेतीला मोठी चालना मिळेल.
- रोशन भागवत, तालका कृषी अधिकारी
विहिरीत सापडली चौदाव्या शतकातील गधेगळ, गधेगळ म्हणजे काय, त्याच इतिहासात काय महत्व?