१५४ कारखान्यांचे गाळप सुरु; यंदा कसा मिळतोय साखरेला उतारा? कोणत्या भागात सर्वाधिक उतारा?

sugarcane crushing 2025 राज्यात यंदा ऊसगाळप हंगामाला एक नोव्हेंबर रोजी सुरुवात करण्यात आली. यंदाच्या गाळप हंगामात एकूण १५४ कारखान्यांनी साखर उत्पादन सुरू केले आहे.

पुणे : राज्यात एक नोव्हेंबर रोजी सुरू झालेल्या ऊस गाळप हंगामातून आतापर्यंत ११ लाख ५९ हजार टन साखरेचे उत्पादन झाले आहे.

यंदाच्या गाळप हंगामात एकूण १५४ कारखान्यांनी साखर उत्पादन सुरू केले आहे. आतापर्यंत सरासरी ७.६४ टक्के साखर उतारा मिळाला आहे. राज्यात यंदा ऊस गाळप हंगामाला एक नोव्हेंबर रोजी सुरुवात करण्यात आली.

साखर आयुक्तालयाने आतापर्यंत १५४ कारखान्यांना गाळप परवाना दिला असून त्यात ८० सहकारी तर ७४ खासगी कारखान्यांचा समावेश आहे. गेल्या वर्षी याच तारखेपर्यंत राज्यात १२० कारखान्यांनी गाळपाला सुरुवात केली होती.

त्यात ४६ सहकारी तर ७४ खासगी कारखान्यांचा समावेश होता. गेल्या वर्षीच्या तुलनेत यंदा सहकारी साखर कारखान्यांची संख्या ३४ ने वाढली आहे.

राज्यात आतापर्यंत १५१ लाख टन उसाचे गाळप झाले असून त्यातून ११ लाख ५९ हजार टन साखरेचे उत्पादन झाले आहे. गाळपातून ७.६४ टक्के साखर उतारा मिळाला आहे. या विभागात २५ कारखाने सुरू झाले असून त्यात १६ सहकारी व ९ खासगी कारखान्यांचा समावेश आहे.

सोलापूर विभागात ३५ लाख टन उसाचे गाळप झाले असून आतापर्यंत २ लाख ४१ हजार टन साखरेचे उत्पादन झाले आहे. या विभागात ६.८९ टक्के साखर उतारा मिळाला आहे.

आठ विभागांतील स्थिती◼️ राज्यातील आठ विभागांमधून कोल्हापूर विभागात आतापर्यंत सर्वाधिक साखरेचे उत्पादन झाले आहे.◼️ या विभागात २१ सहकारी व १० खासगी अशा एकूण ३१ कारखान्यांनी आतापर्यंत ३७ लाख ६३ हजार टन उसाचे गाळप केले आहे.◼️ कोल्हापूर विभागात ३ लाख ३३ हजार टन साखरेचे उत्पादन झाले आहे.◼️ कोल्हापूर विभागात सर्वाधिक ८.८६ टक्के साखर उतारा मिळाला आहे.◼️ कोल्हापूर खालोखाल पुणे विभागात ३६ लाख ३२ हजार टन उसाच्या गाळपातून २ लाख २६ हजार टन साखरेचे उत्पादन झाले आहे.◼️ या विभागात ८.१७ टक्के साखर उतारा मिळाला आहे.

अधिक वाचा: वारणा साखर कारखान्याकडून ऊस बिलाचा पहिला हप्ता जमा; किती रुपयाने केले पेमेंट?