४० रुपये डझन केळी देते महागडे एनर्जी ड्रिंक आणि सप्लिमेण्टपेक्षा जास्त ताकद, पाहा रोज १ केळ खाण्याचे फायदे

बारा महिने अगदी स्वस्तात मस्त मिळणारं फळ म्हणजे केळी. पण त्याकडे आपण बऱ्याचदा दुर्लक्ष करतो आणि महागड्या विदेशी फळांच्या नादी लागतो. पण तेच केळ आपल्याला खूप आरोग्यदायी फायदे देतं.

केळीमध्ये असणारे पोटॅशियम आणि मॅग्नेशियम रक्तदाबाला नैसर्गिकपणे नियंत्रित ठेवतात आणि हृदयाच्या स्नायूंना मजबूत करतात.

केळीमधले घटक शरीरातले इलेक्ट्रोलाईट नैसर्गिकपणे बॅलेन्स करतात. त्यामुळे जे लोक नियमितपणे जीम किंवा व्यायाम करतात, त्यांना भरपूर एनर्जी देण्यासाठी केळी उपयोगी ठरतात.

केळी आपल्या शरीरासाठी एखाद्या एनर्जी डिंकप्रमाणे काम करते. त्यामुळे ज्यांना नेहमीच गळून गेल्यासारखं, अशक्त वाटतं त्यांनी नियमितपणे १ ते २ केळी दरदिवशी खायला हवीत.

केळीमध्ये असणारे ट्रिप्टोफॅन आणि व्हिटॅमिन बी ६ स्ट्रेस कमी करून मूड फ्रेश ठेवण्यास मदत करतात.

केळीमध्ये नैसर्गिक साखर आणि फायबर दोन्हीही असतात. त्यामुळे केळी खाल्ल्यानंतर रक्तातील साखर एकदम वाढत नाही. तसेच केळी खाल्ल्यानंतर मिळणारी उर्जा पुढे बराच वेळ टिकून राहाते.

त्यामुळे रोज २ केळी खावीत असा सल्ला डॉक्टरांनी dr.rohit.sane या इंस्टाग्राम पेजवर दिला आहे. पण तरीही प्रत्येकाची प्रकृती वेगवेगळी असते. प्रत्येकालाच राेज २ केळी खाणं सहन होईलच असं नाही. त्यामुळे आहारात कोणताही बदल करण्यापुर्वी तुमच्या जवळच्या डॉक्टरांचा सल्ला घ्यावा.