पावसाळ्यात दारं-खिडक्या जाम घट्ट होतात? करा फक्त ६ गोष्टी, दार उघडेल-लागेल सहज...

how to get rid of jammed window door in rainy season : Tips & Tricks Is Your Window & Door Jammed Or Become Tight In Rainy Season : These 6 Simple Tricks Is Helpful To Get Rid Of Jammed Window Door In Rainy Season : ६ युक्त्या पाहा, घट्ट झालेले दरवाजे-खिडक्या लगेच उघडतील

पावसाळ्यात अनेक लहान - मोठ्या समस्या त्रास देतात. यापैकीच, एक फारच (how to get rid of jammed window door in rainy season) कॉमन आणि त्रासदायक समस्या म्हणजे दरवाजे व खिडक्या फुगून घट्ट होणे. पावसाळ्यात ओलसर हवामानामुळे लाकूड फुगते, धातूला गंज चढतो आणि त्यामुळे दरवाजे‑खिडक्या उघडणे‑बंद करणे कठीण होते. ही समस्या केवळ वैतागवाणीच नाही, तर अनेकदा खर्चिकही ठरू शकते. परंतु काळजी करू नका, काही सोप्या टिप्स व घरगुती उपायांनी आपण ही अडचण सहज दूर करू शकता.

पावसाळ्यातील ही समस्या दूर करण्यासाठी, ६ उपयुक्त युक्त्या ( Tips & Tricks Is Your Window & Door Jammed Or Become Tight In Rainy Season) पाहणार आहोत ज्या दरवाजे आणि खिडक्या लगेच उघडण्यास मदत करतील आणि गंज लागण्यापासूनही संरक्षण मिळेल.

१. कधीकधी पावसाळ्यात खिडक्या, दरवाजे आणि लॉकिंग सिस्टीम इतक्या घट्ट होतात की त्यांना उघडणं किंवा बंद करणं खूपच कठीण होऊन बसतं. जर तुम्हालाही अशा समस्येला सामोरं जावं लागत असेल, तर लक्षात ठेवा, जसं घराची साफसफाई करतो, तसेच दरवाजे, खिडक्या आणि लॉकसुद्धा नियमितपणे स्वच्छ ठेवणे गरजेचे असते. यामुळे त्यांच्यावर धूळ, ओलावा किंवा गंज साचणार नाही आणि पावसाळ्याच्या दिवसांतही ते व्यवस्थित चालतील.

२. जर तुमच्याकडे लोखंडी दरवाजा असेल, तर पावसाळ्यात त्यावर पाणी पडल्यामुळे तो गंजण्याची शक्यता अधिक असते. अशावेळी तो दरवाजा उघडणं आणि बंद करणं कठीण होऊ शकतं. या समस्येवर सोपा उपाय म्हणजे गंजलेल्या भागावर सॅंडपेपरने घासून तो स्वच्छ करणे. सॅंडपेपरने हलक्या हाताने घासल्यास गंज सहज निघून जातो आणि दरवाजा पुन्हा व्यवस्थितपणे काम करु लागतो.

३. मेणबत्तीच्या मदतीने घट्ट झालेल्या खिडक्या आणि दरवाजे सहज दुरुस्त करू शकता. यासाठी, मेणबत्ती दरवाज्याच्या हँडल, लॅचेस, स्क्रू आणि लॉकिंग सिस्टमवर चोळा. त्यानंतर हे भाग एक मिनिटासाठी वारंवार उघडा आणि बंद करा. त्यामुळे मेण घर्षण कमी करेल आणि अडकलेले किंवा घट्ट झालेले भाग सहज सैल होतील. ही युक्ती सोपी असली तरी खूप परिणामकारक आहे, विशेषतः पावसाळ्यात या उपायाचा फायदा होतो.

४. जर लाकडी दरवाजा उघडताना किंवा बंद करताना आवाज येत असेल, तर तो त्रासदायक आवाज थांबवण्यासाठी मोहरीच्या तेलाचे काही थेंब बिजागरांमध्ये घाला. हे तेल घर्षण कमी करून आवाज दूर करण्यास मदत करते.

५. पावसाळ्यात खिडक्या आणि दरवाजे नेहमी उघडे ठेवू नका. कारण जर ते उघडे राहिले तर ते सहजपणे बंद होत नाहीत कारण कड्या आणि लाँचेस घट्ट होतात. लाकडी दरवाजे देखील कायम बंद ठेवावेत, कारण जर उघडे ठेवले तर लाकूड ओले होते आणि फुगतात. यामुळे ते बंद करण्यात अडचणी निर्माण होतात.

६. लोखंडी किंवा लाकडी दरवाजे आणि खिडक्या थेट पाण्याने स्वच्छ करू नयेत, कारण त्यामुळे ओलावा साचून गंजण्याची किंवा लाकूड फुगण्याची शक्यता असते. त्याऐवजी कोरड्या कापडाने किंवा सॅंडपेपरने स्वच्छ करा. एक कोरडं कापड किंवा कापूस घ्या, त्यावर थोडंसं मोहरीचं तेल घालून दरवाजा आणि बीजागर, कडी, हँडल यांसारखे भाग पुसून स्वच्छ करा. हे भाग नियमितपणे पुसत राहिल्यास गंज आणि इतर अडचणी टाळता येतात.