चहा गाळणी कळकट, घाण झाली म्हणून फेकू नका- 'या' पद्धतीने स्वच्छ करा, नव्यासारखी चकाचक होईल

चहा गाळणी बऱ्याचदा खूप कळकट होऊन जाते. तिच्यावर काळपट थर जमा होतो.(how to clean tea strainer?)

आपल्या नेहमीच्या पद्धतीने घासल्यास ही गाळणी स्वच्छ होत नाही. उलट आपण तिचा वापर जेवढा जास्त करू तेवढी जास्त ती काळवंडून जाते.(home hacks to clean tea strainer)

म्हणूनच आता कळकट झालेली चहा घासणी स्वच्छ करण्यासाठी पुढे सांगितलेला एक सोपा उपाय करून पाहा.

हा उपाय करण्यासाठी एका पातेल्यामध्ये १ ग्लास पाणी घ्या. त्यामध्ये १ चमचा बेकिंग सोडा घाला.

त्यामध्येच १ चमचा व्हाईट व्हिनेगर घाला. आता गाळणी या पाण्यामध्ये उकळत ठेवा. ८ ते १० मिनिटे चांगलं खळखळून उकळवून घ्या.

त्यानंतर गाळणी एखाद्या साध्या घासणीने घासून घ्या आणि पुन्हा एकदा पाण्याने धुवून घ्या. गाळणीचा काळेपणा कमी होऊन ती अगदी चकाचक झालेली दिसेल.