मुळव्याधीचा त्रास वाढला? रामदेव बाबा सांगतात उपाशीपोटी 'हा' पदार्थ खा, बरं वाटेल

बैठ्या जीवनशैलीमुळे आणि आहारात झालेल्या बदलामुळे अनेकांना मुळव्याधीचा त्रास होत आहे. कमी वयात हा त्रास सुरू झालेले अनेक जण आपण आजुबाजुला पाहातो.

हा त्रास कमी करण्यासाठी काय उपाय करता येईल याविषयीचे काही उपाय रामदेव बाबा यांनी सोशल मीडियावर शेअर केले आहेत.

यामध्ये ते सांगतात की नागदोन या वनस्पतीची काही पानं रोज सकाळी उपाशीपोटी चावून खा. सलग काही दिवस हा उपाय केल्यास अवघ्या ८ दिवसांत बराच आराम मिळेल.

रामदेव बाबा यांनी सांगितलेला दुसरा उपाय म्हणजे आहारात दुधी भोपळ्याचा वापर वाढवा. दुधी भोपळ्याचे सूप, भाजी, रस असे पदार्थ तुमच्या आहारात नियमितपणे घ्या. मुळव्याधीचा त्रास बराच कमी होईल.

फायबरयुक्त भाज्या आहारात जास्त प्रमाणात घेतल्यानेही मुळव्याधीचा त्रास कमी होतो.

याशिवाय ज्या लोकांना मुळव्याधीचा त्रास असेल त्यांनी मसालेदार, तिखट पदार्थ कमीतकमी प्रमाणात खावे.