हिवाळ्यात सांधे कुरकुरू लागले? गुडघ्यातून कट- कट आवाज येतो? घ्या सोपा उपाय- दुखणं थांबेल

हिवाळ्याच्या दिवसांत हाडांचं दुखणं जरा जास्तच वाढतं. अंग आखडून जातं. स्नायूंमध्येही वेदना होतात.

याशिवाय या दिवसांत सांधेदुखी, गुडघेदुखीचा त्रासही खूप वाढलेला दिसताे. गुडघे अगदी बसता- उठता ठणकतात. चालताना टाच, घोटेही दुखतात.

हा सगळा त्रास कमी करायचा असेल तर पुढे सांगितलेला एक खास उपाय करून पाहा. हा उपाय करण्यासाठी स्टीलच्या पातेल्यामध्ये १ ग्लास पाणी गरम करायला ठेवा. त्या पाण्यामध्ये २ ते ३ लवंगा बारीक ठेचून टाका.

त्यानंतर त्यामध्ये १ मोठी वेलची आणि दालचिनीचा एक तुकडाही थोडासा ठेचून टाका. पाणी ४ ते ५ मिनिटे उकळू द्या आणि नंतर गॅस बंद करा.

यानंतर पाणी गाळून घ्या आणि कोमट झाल्यानंतर रात्रीच्या जेवणानंतर अर्ध्या तासाने प्या. यानंतर १५ मिनिटांनी बडिशेप बारीक चावून खा.

हा उपाय केल्याने सांधेदुखी, गुडघेदुखीचा त्रास बऱ्यापैकी कमी होतो. शरीरातील रक्ताभिसरण सुधारून नसांना बळ मिळतं. शिवाय स्नायूंचं दुखणंही कमी होतं, असं डॉक्टरांनी dr_yogesh_ghongde या इंस्टाग्राम पेजवर सुचवलं आहे.