Gardening Tips: उन्हाळ्यात कुंडीतला पुदिना सुकतो? 'या' टिप्समुळे कायम राहील हिरवागार आणि टवटवीत!
By ऑनलाइन लोकमत | Updated: March 25, 2025 12:29 IST
1 / 9पुदिना लावण्यासाठी जर तुम्ही या सोप्या टिप्सचे पालन केले तर तुमचे पुदिन्याचे रोप उन्हाळ्यातही हिरवे राहील आणि तुम्ही संपूर्ण हंगामात पुदिन्याच्या ताज्या चटणीचा आस्वाद घेऊ शकाल. योग्य काळजी घेतल्यास, ही वनस्पती केवळ तुमच्या स्वयंपाकघरासाठीच नाही तर तुमच्या आरोग्यासाठीही फायदेशीर ठरेल.2 / 9या उन्हाळ्यात तुम्हालाही घरामध्ये पुदिना वापरायचा असेल, तर घरी रोप लावण्याची ही खास वेळ आहे. एप्रिल पासून जर पुदिन्याची चांगली लागवड केली आणि योग्य काळजी घेतली, तर संपूर्ण उन्हाळ्यात तुम्ही घरची पुदिन्याची चटणी खाता येईल! कारण पुदिन्याची योग्य काळजी घेतली नाही तर ते लवकर सुकायला लागते. येथे काही सोप्या टिप्स आहेत, ज्याचा अवलंब करून तुम्ही तुमच्या पुदिन्याचे रोप हिरवे ठेवू शकता.3 / 9पुदिन्याचे रोप लावण्यासाठी माती स्वच्छ करून गाळून घ्या. कुंडीत पुदिना लावतात मातीमध्ये खत आणि वाळू मिसळू शकता, जेणेकरून माती मऊ आणि सुपीक राहते. पुदिना आणल्यावर काही काड्यांची पाने अर्धवट खुडून त्या काड्या तीन दिवस पाण्याच्या भांड्यात ठेवा, त्याला मूळ धरली की ती मातीत रुजवा. 4 / 9पुदिन्याला उन्हाळ्यात जास्त पाणी लागते. दिवसातून किमान दोनदा (सकाळ आणि संध्याकाळ) पाणी द्या, जेणेकरून माती नेहमी ओलसर राहील. परंतु लक्षात ठेवा की जास्त पाणी नसावे, कारण यामुळे मुळे कमकुवत होतात.5 / 9पुदिन्याचे रोप हलक्या सूर्यप्रकाशात आणि सावलीच्या ठिकाणी चांगले वाढते. खूप तीव्र सूर्यप्रकाश असल्यास झाड कोमेजते. अशा झाडाला सावलीच्या जागी ठेवा किंवा हलक्या कापडाने झाकून ठेवा, जेणेकरून पाने कोमेजणार नाहीत. 6 / 9पुदिन्याच्या रोपांची योग्य रीतीने वाढ होण्यासाठी वेळोवेळी त्याची कापणी करणे महत्वाचे आहे. जेव्हा पाने खूप वाढतात तेव्हा वरून हलकी छाटणी करा. त्यामुळे झाडाची वाढ झपाट्याने होईल आणि नवीन पाने येतील. 7 / 9दर १०-१५ दिवसांनी सेंद्रिय खते जसे की शेणखत, कोकोपीट किंवा पानांचे खत घाला. यामुळे झाड हिरवे राहते आणि रोपाची गुणवत्ता सुधारते. झाड हिरवेगार राहते. 8 / 9उन्हाळ्यात पुदिन्याच्या झाडावर किडीचा धोका वाढतो. यासाठी तुम्ही कडुलिंबाचे तेल किंवा सौम्य साबण मिसळलेले पाणी शिंपडू शकता, जेणेकरून पाने सुरक्षित राहतील आणि वनस्पती निरोगी राहतील.9 / 9जर तुम्हाला वाटत असेल की तुमची वनस्पती कमकुवत होत आहे, तर तुम्ही तिची फांदी कापून पाण्यात टाकू शकता. काही दिवसांत मुळे दिसू लागतील आणि तुम्ही ती नवीन कुंडीत लावू शकता. अशा प्रकारे तुमचे पुदिन्याचे रोप नेहमी वाढत राहील.