इंदौरचे पोहे म्हणजे सुख, पाहा इंदुरी पोहे करण्याची पारंपरिक रेसिपी, ८ टिप्स-पोहे होतील परफेक्ट चवीचे

Special recipe for making Indori Poha : पोहे भिजल्यानंतर फोडणी देण्यापूर्वीच त्यात चवीनुसार साखर आणि मीठ घालून हलक्या हातानं एकजीव करा.

इंदोरी पोहे म्हणजे चवीचा आणि मऊपणाचा एक उत्तम मेळ. अगदी हॉटेलसारखे मऊ आणि चविष्ट पोहे घरीच करण्यासाठी काही महत्वाच्या टिप्स पाहूया. (Indoori Poha Recipe How To Make Indoori Poha)

इंदोरी पोह्यांसाठी नेहमी जाड पोहे वापरावेत. पोहे २ ते ३ वेळा स्वच्छ धुवून घ्या आणि त्यातील पाणी पूर्णपणे निथळून साधारण १० ते १५ मिनिटं तसंच ठेवा. जेणेकरून ते छान फुलतील. (Special recipe for making Indori Poha)

पोहे भिजवल्यानंतर फोडणी देण्यापूर्वीच त्याच चवीनुसार साखर आणि मीठ घालून हलक्या हातानं एकजीव करा. यामुळे पोह्यांना एकसमान चव येते.

इंदोरी पोह्यांचे मुख्य वैशिष्ट्य म्हणजे ते तेलात जास्त परतण्याऐवजी वाफेवर शिजवले जातात. कढईत पाणी गरम करून त्यावर चाळणी ठेवून किंवा मंद आचेवर झाकण ठेवून ५ ते ७ मिनिटं पोहे वाफवून घ्या.

फोडणीत मोहोरी, कढीपत्ता, हिरवी मिरची आणि मुख्य म्हणजे बडीशेप नक्की घाला. बडीशेपेमुळे इंदोरी पोह्यांना खास सुगंध येतो.

पोहे प्लेटमध्ये काढल्यावर त्यावर जीरं मसाला, बारीक चिरलेला कांदा, कोथिंबीर आणि भरपूर बारीक शेव घालून सर्व्ह करा.

सर्व्ह करण्यापूर्वी वरून थोडा लिंबाचा रस घातल्यानं चव अधिक खुलते.

पोहे परतवून झाल्यानंतर तुम्ही त्यावर खोबरं किसून घालू शकता. ज्यामुळे पोह्यांना वेगळीच छान चव येते.