तेल मीठ मिरची वापरुन करा ५ भाज्या, डब्यासाठी झटपट चविष्ट भाज्या- नको मसाले नी वाटणघाटण!

Make 5 vegetables using oil, salt, and chili, quick and tasty vegetables : डब्यासाठी झटपट तयार करा या ५ भाज्या. फक्त तिखट मीठाचा वापर करा.

आपण भाजी तयार करताना त्यामध्ये कांदा, टोमॅटो घालतो. काही भाज्यांना वाटण लावतो. तसेच विविध मसाले भाजी तयार करताना वापरतो.

भाजीमध्ये दाण्याचे कुट घालून भाजी छान परतली जाते. ओलं खोबरं घालून बऱ्याच भाज्या तयार केल्या जातात. चिंच घातली जाते. आमसुल घातले जाते. गूळ वापरला जातो. काही जण भाजीमध्ये साखरही टाकतात.

पण अशाही काही भाज्या आहेत ज्यांची चव मुळातच फार छान असते. त्यामध्ये कोणतेही जास्तीचे पदार्थ घालण्याची आवश्यकता नसते. फक्त तिखट व मीठ घालून तेलावर किंवा तुपावर भाजी परतायची.

अशा भाजा चवीला फार छान लागतात. तयार करणे फारच सोपे असते. तसेच घाईगडबड असताना अशाच भाज्या वापरा वेळही वाचतो.

१. फरसबीची भाजी विविध प्रकारे तयार केली जाते. मात्र साध्या तेलावर परतूनही ही भाजी छान लागते. मस्त पैकी मीठ आणि तिखट घालायचे. हवे असल्यास फोडणी तयार करायची.

२.लहान मुलांची आवडती भाजी म्हणजे भेंडी. भेंडी छान परतून खुप कुरकुरीत करता येते. फार स्क्रीस्पी होते. मीठ आणि तिखट घालायचे. वाटल्यास कडीपत्याची फोडणी द्या.

३. गवारीचे बारीक तुकडे करून ते नुसते परतले आणि मीठ तिखट लावले की मस्त लागतात. भाताबरोबर खाण्यासाठी अगदीच मस्त लागतात.

४. रात्रभर भिजवलेली मटकी सकाळी छान परतून अगदी कुरकुरीत करता येते. मटकीची शक्यतो उसळच केली जाते. मात्र अशी परतलेली मटकी फार चविष्ट लागते.

५. बटाट्याच्या काचऱ्या तर सगळ्यांनाच आवडतात. त्याही नुसत्या तेल तिखटावर परतल्या तरी छान लागतात. छान कुरकुरीत करता येतात.