स्वयंपाकघरात 'असा' साठवा लसूण, महिनोंमहिने होणार नाही खराब, बुरशीचंही नो टेन्शन, काळाही पडणार नाही

1 / 8

लसणाच्या फोडणीशिवाय वरण-भाजीला चव येत नाही. पण हाच लसूण जेव्हा हवामानातील बदलामुळे मऊ पडतो किंवा त्याला बुरशी लागते. त्यामुळे आपण बाजारातून किलोने लसूण आणतो, पण तो नीट साठवता न आल्याने अर्धा लसूण कचऱ्याच्या पेटीत जातो. काहीजण लसूण फ्रीजमध्ये स्टोर करतात. पण यामुळे तो लवकर खराब होतो. (Keeping garlic fresh and white for long time)

2 / 8

काही स्मार्ट ट्रिक्स वापरल्या तर महिनाभर लसूण फ्रेश राहिल इतकंच नाही तर बुरशी देखील लागणार नाही. पाहूया लसूण साठवण्यासाठी काही खास ट्रिक्स. (Does garlic need to be refrigerated or not)

3 / 8

लसणाचा गड्डा फोडू नका. यामुळे त्याचे नैसर्गिक संरक्षण कवच नष्ट होते आणि त्यातील ओलावा हवेत उडून जातो,यामुळे तो लवकर सुकतो.

4 / 8

प्लास्टिकच्या पिशवीत लसूण ठेवल्यास दमटपणा येतो ज्यामुळे बुरशी लागते. साधी कागदी पिशवी घ्या, त्याला कात्रीने छोटे ५ ते ६ होल पाडा. यात लसूण भरुन ठेवा. कागद जास्तीचा ओलावा शोषून घेतो. ही पिशवी स्वयंपाकघरातील कोरड्या, अंधाऱ्या खोलीत ठेवा.

5 / 8

लसूण बटाट्यांच्या टोपलीत ठेवला तर लसणाला लवकर मोड येतात. त्यामुळे कांदे आणि बटाट्यापासून लसणाला लांब ठेवा.

6 / 8

लसणाच्या पाकळ्या सोलून एका काचेच्या बरणीत भरा. त्यावर खाण्याचे तेल ओता ज्यामुळे पाकळ्या बुडतील. ही बरणी फ्रीजमध्ये ठेवा. यामुळे पाकळ्यांना हवा लागणार नाही. त्या महिनाभर ताज्या राहतील.

7 / 8

फ्रीजमधील थंडावा लसणाला खराब करतो आणि त्याची चव घालवतो. फक्त सोललेल्या पाकळ्याच फ्रिजमध्ये ठेवाव्यात.

8 / 8

एखाद्या लसण्याच्या पाकळीला काळी बुरशी दिसली, तर ती लगेच काढून टाका, नाहीतर संपूर्ण गड्ड्याला खराब करेल.