मे-जूनमध्ये ताजा ताजा लाल माठ खाणे अत्यंत फायद्याचे! ही पालेभाजी कमालीची पौष्टिक

Eating fresh Laal Maath in May-June is extremely beneficial! This leafy vegetable is extremely nutritious : उन्हाळ्यात माठाची भाजी खाणे ठरते उपयुक्त. पाहा किती फायदे आहेत.

पालेभाज्या अत्यंत पौष्टिक असतात. त्या खायला अनेक जणांना आवडत नाहीत. मात्र कांद्यावर परतलेल्या पालेभाज्या चवीला अप्रतिम लागतात. आहारात पालेभाजी असायलाच हवी.

लाल माठाची भाजी महाराष्ट्रात तशी घरोघरी केली जाते. तांदळाच्या भाकरीसोबत ही भाजी अगदीच मस्त लागते. तसेच लाल माठाचे वरणही छान लागते आणि पौष्टिकही असते.

लाल माठाच्या भाजीत अनेक गुणधर्म असतात. त्यात भरपूर अँण्टी ऑक्सिडंट्स असतात. जीवनसत्वे असतात.

लाल माठाची भाजीत लोह भरपूर असते. त्यामुळे रक्तातील हिमोग्लोबिन वाढवण्यासाठी लाल माठाचा उपयोग होतो. कमी रक्त, अशक्तपणा असे त्रास उद्भवत नाहीत.

लाल माठात बायोएक्टिव्ह कंपाऊंड्स असतात. अँथोसायनिन्स असतात. जे पेशींसाठी चांगले असतात. त्यामुळे त्वचेसाठीही ही भाजी खावी.

या भाजीत जीवनसत्त्व 'ए' असते. त्यामुळे डोळ्यांसाठी लाल माठ चांगला ठरतो. दृष्टी चांगली शाबूत राहावी यासाठी ही भाजी नक्कीच खा.

पचनासाठी अत्यंत महत्वाची गोष्ट म्हणजे फायबर. अनेकांना फायबरची कमतरता असते. लाल माठ हा फायबरचा एक उत्तम स्त्रोत आहे. त्यामुळे आहारात ही भाजी असेल तर पचन चांगले होते.

लाल माठ थंड असतो. त्यामध्ये थंडावा असल्याने पोटासाठी तो चांगला आहे. उन्हाळ्याच्या दिवसाच लाल माठ खाणे फायद्याचे ठरते.