Winter Special: आवळ्याचं तिखट गोड आंबटचिंबट लोणचं करा १५ मिनिटांत, तोंडाला सुटेल पाणी पाहा रेसिपी

आवळ्याचं चटपटीत लोणचं अगदी झटपट करता येतं. हिवाळ्यात मिळणारे ताजे ताजे आवळे घ्या आणि पटकन पुढे सांगितलेली रेसिपी पाहून त्याचं लोणचं करा..

आवळ्याचं लोणचं करण्यासाठी आपल्याला साधारण १ कप आवळ्याचे काप लागणार आहेत. आवळे घेऊन ते स्वच्छ धुवा आणि त्यांचे काप करा. बिया काढून टाका.

त्यानंतर मोहरी, जीरे, धणे प्रत्येकी एकेक चमचा घ्या. अर्धा चमचा मेथ्या घ्या. हे सगळे पदार्थ मंद आचेवर हलके भाजून घ्या.

भाजून घेतलेले पदार्थ थंड झाल्यानंतर ते मिक्सरमध्ये घालून त्याची पावडर करून घ्या.

कढईमध्ये तेल घालून गरम करा. त्यानंतर त्यात आवळ्याचे काप टाकून ते २ ते ३ मिनिटे मंद आचेवर परतून घ्या. आवळ्याचा रंग थोडा बदलल्यानंतर गॅस बंद करा.

आता त्याच कढईमध्ये तयार केलेला मसाला, मीठ आणि चवीनुसार लाल तिखट घाला. सगळं मिश्रण व्यवस्थित हलवून घेतलं की आवळ्याचं लोणचं झालं तयार..

हे लोणचं थोडं आणखी चटपट आणि थोडासा गोड फ्लेवर असणारं हवं असेल तर त्यात अर्धा कप किसलेला गूळ घाला. लोणच्याची चवच आणखी खुलेल.. हे लोणचं महिनाभर तरी छान टिकतं.