डोसा नीट जमत नाही-चिकटतो? डाळ-तांदूळ दळताना १० ट्रिक्स वापरा, क्रिस्पी-गोल्डन बनेल डोसा

10 Pro Tips to Make a Perfect Dosa : तांदूळ आणि डाळ कमीत कमी ४ ते ६ तास वेगवेगळे भिजत ठेवा. ८ तास भिजवल्यास उत्तम ठरेल.

डोसा कुरकुरीत होण्यासाठी डोश्याचे बॅटर अगदी परफेक्ट होणं आवश्यक आहे. (How To Make Dosa Crispy). काही महत्वाच्या टिप्स आणि ट्रिक्स तुमचं काम सोपं करतील. (10 Pro Tips to Make a Perfect Dosa)

डोसा कुरकुरीत होण्यासाठी तांदूळ आणि उडीद डाळ यांचे प्रमाण ३ किंवा ४ भाग तांदूळ घेतल्यास १ भाग उडीद डाळ इतके असावे. (Perfect Dosa Making Secret)

इडली तांदूळ आणि साधा जाड तांदूळ यांचे मिश्रण वापरल्यास कुरकुरीतपणा चांगला येतो.

तांदूळ आणि डाळीसोबत १ चमचा मेथी दाणे भिजत घाला. यामुळे फर्मेंटेशन चांगले होते आणि डोश्याला चांगला रंग येतो.

तांदूळ आणि डाळ कमीत कमी ४ ते ६ तास वेगवेगळे भिजत ठेवा. ८ तास भिजवल्यास उत्तम ठरेल.

दळताना अगदी थंडगार पाणी वापरा. यामुळे दळताना उष्णता निर्माण होत नाही आणि बॅटर हलके राहते.

उडीद डाळ अगदी गुळगुळीत आणि हलकी होईपर्यंत दळावी. तांदूळ थोड्या जाडसर ठेवावा. यामुळे डोसा कुरकुरीत होतो.

आधी डाळ आणि मेथी दाणे दळून घ्यावेत नंतर तांदूळ दळावा. बॅटरची जाडी इडलीच्या बॅटरपेक्षा थोडी पातळ पण डोश्यासाठी योग्य असावी. जास्त घट्ट किंवा पातळ असू नये.

दळलेले बॅटर एका मोठ्या भांड्यात ठेवा. ते ८ ते १० तास उबदार जागी झाकून ठेवा. आंबवल्यावर बॅटर दोनपट जास्त फुगलं पाहिजे.

मीठ साधारणपणे फर्मेंटेशननंतर घालावे. ज्यामुळे प्रक्रिया व्यवस्थित होते.बॅटर हलक्या हातानं आणि एकाच दिशेनं मिक्स करा जास्त ढवळू नका. डोसा करण्यापूर्वी बॅटर १ तास फ्रिजमध्ये ठेवल्यास ते अधिक कुरकुरीत होते.