हार्मोन्स असंतुलनामुळे स्तनांचा आकार वाढतो का? डॉक्टर सांगतात, १ चूक- शरीरावर होतो वाईट परिणाम

Hormonal imbalance in women: Breast size changes: महिलांना अचानक स्तनाचा आकार वाढल्याचं जाणवतं आणि त्या लगेच काळजीत पडतात.

मुलींचे वय वाढू लागले की, त्यांच्या शरीरात अनेक बदल होताना दिसतात.  किशोरवयीन अवस्थेत आल्यानंतर मुलींना मासिक पाळी येते.(Hormonal imbalance in women)  यानंतर त्यांच्या शरीरात हळूहळू काही बदल होतात. आपल्या शरीरातील प्रत्येक बदलामागे हार्मोन्सची भूमिका अत्यंत महत्त्वाची असते.(Breast size changes) हार्मोन्स हे स्त्रियांच्या शरीरातील ‘केमिकल मेसेंजर’ आहेत. (Hormonal imbalance effects) जे स्त्रियांच्या शरीराची वाढ, वजन, त्वचेचा रंग, मूड आणि अगदी स्तानाचा आकारसुद्धा बदलतात.(Estrogen and breast size) पण बऱ्याच महिलांना अचानक स्तनाचा आकार वाढल्याचं जाणवतं आणि त्या लगेच काळजीत पडतात. हे नॉर्मल आहे का? असा प्रश्न अनेकांच्या मनात येतो. (Women health tips)
महिला आपल्या स्तनांच्या आकाराबद्दल अधिक जागरुक असतात. प्रत्येक स्त्रीला सुडौल आणि आकर्षक स्तन हवे असतात. कारण यामुळे त्यांचे व्यक्तिमत्व खुलून दिसते. पण कधीकधी खराब आहार, वाईट जीवनशैलीमुळे स्तनाच्या आकारावर परिणाम होतो. याविषयी मम्मास ब्लेसिंग आयव्हीएफ आणि बर्थिंग पॅराडाईज, वृंदावनचे वैद्यकीय संचालक आणि आयव्हीएफ तज्ज्ञ.डॉ.शोभा गुप्ता यांनी स्तनाचा आकार आणि हार्मोन्स असंतुलन याविषयी सांगितलं आहे. 

खमंग स्वस्त म्हणून आवडीने खाता पण हा पदार्थ ठरतोय आपल्या तब्येतीसाठी विष! होतात ५ गंभीर आजार

हार्मोन्स बदलांचा स्तनाच्या आकारावर परिणाम होतो का?

1. डॉक्टर सांगतात हार्मोन्स असंतुलनामुळे स्तनाच्या आकारावर परिणाम होतो. मासिक पाळी, रजोनिवृत्ती, गर्भधारणा किंवा गर्भनिरोधक गोळी घेतल्याने हार्मोन्सवर परिणाम होतो. ज्यावेळी शरीरातील हार्मोन्स असंतुलित होतात, तेव्हा छातीत नरमपणा जाणवतो किंवा सूज येते. हार्मोनल बदलांदरम्यान स्तन मोठे दिसतात. 

2. मासिक पाळीदरम्यान इस्ट्रोजेनची पातळी झपाट्याने कमी होते, ज्यामुळे स्तनाच्या नलिकांची वाढ होते. या काळात ओव्हुलेशन दरम्यान प्रोजेस्टेरॉनचा उच्चांक वाढतो. ज्यामुळे स्तन ग्रंथीचा आकार वाढून सूज येणे किंवा कडक होणे यांसारख्या समस्या येतात. 

3. गर्भधारणा आणि स्तनपानादरम्यान देखील स्तनाचा आकार वाढतो. या काळात महिलांच्या शरीरात वेगाने हार्मोन्स बदलतात. बाळाला दूध पाजल्यामुळे नैसर्गिकरित्या स्तनाचा आकार वाढतो. स्तनपान थांबवल्यानंतर पुन्हा आकार सामान्य होतो. 

4. वयानुसार स्तनांचा आकार बदलतो. रजोनिवृत्तीनंतर महिलांच्या शरीरात अनेक बदल होतात. यावेळी स्तनाच्या ऊतींची जागा चरबीने घेतलेली असते. त्यामुळे स्तनांचा आकार वाढलेला दिसतो. 

5. अनेक महिलांना वाटतं की फक्त वजन वाढल्याने स्तनाचा आकार वाढतो, पण तसं नाही. झोपेचा अभाव, ताण, चुकीचा आहार, हार्मोनल गोळ्या, आणि व्यायामाचा अभाव यामुळे शरीरातील हार्मोन्सचे प्रमाण असंतुलित होतं.