Join us
Daily Top 2Weekly Top 5

थंडीतील खास मेजवानी, चविष्ट - गावरान 'हुरड्याचे थालीपीठ'! चवीला अप्रतिम पौष्टिक - पाहा पारंपरिक रेसिपी...

By लोकमत न्यूज नेटवर्क | Updated: November 29, 2025 10:00 IST

Winter Special Hurdaa Thalipith Recipe : hurda thalipeeth recipe : how to make hurda thalipith : green jowar thalipith recipe : ज्वारीच्या हिरव्या कोवळ्या दाण्यांचे खुसखुशीत आणि पौष्टिक हुरड्याचे थालीपीठ करण्याची पारंपरिक रेसिपी

थंडीच्या दिवसांत शेतात तयार होणारे ज्वारीचे हिरवे आणि कोवळे दाणे म्हणजे महाराष्ट्राची एक खास ओळख! याच चविष्ट आणि आरोग्यदायी दाण्यांना आपण हुरडा म्हणतो. थंडीच्या दिवसांत हुरडा खाण्याची मजा तर वेगळीच असते. हिवाळा सुरू होताच बाजारात हुरडा मोठ्या प्रमाणांवर विकायला ठेवलेला दिसतो आणि त्याचे चविष्ट पदार्थ देखील घरोघरी तयार केले जातात. हुरड्यापासून तयार केलेल थालीपीठ हे फक्त पौष्टिकच नाही तर पोटभरीचे, हलके आणि चविष्टही लागते(Winter Special Hurdaa Thalipith Recipe).

हुरड्याची नैसर्गिक गोडसर चव, ज्वारीचे फायदे आणि पारंपरिक पद्धतीने तयार केलेले थालीपीठ हे हिवाळ्यात शरीराला ऊर्जा देणारे, पचनाला हलके आणि आरोग्यास फायदेशीर ठरते. हुरड्याच्या या कोवळ्या दाण्यांमध्ये असलेले तंतूमय पदार्थ आणि पोषक घटक यामुळे हे थालीपीठ हिवाळ्यात खाणे अतिशय पौष्टिक मानले जाते. ज्वारीच्या हिरव्या कोवळ्या (how to make hurda thalipith) दाण्यांपासून बनवले जाणारे, खुसखुशीत आणि पौष्टिक हुरड्याचे थालीपीठ (green jowar thalipith recipe) बनवण्याची सोपी आणि पारंपरिक रेसिपी पाहूयात. 

साहित्य :- 

१. ज्वारीचे कोवळे हिरवेगार दाणे - १ कप (हुरडा)२. आलं - १ छोटा तुकडा३. लसूण - ४ ते ५ पाकळ्या४. हिरव्या मिरच्या - २ ते ३ मिरच्या५. पाणी - गरजेनुसार ६. मीठ - चवीनुसार७. ज्वारीचे पीठ - १ कप ८. कांदा - १ कप (बारीक चिरलेला)९. हळद - १/२ टेबलस्पून १०. धणेपूड - १/२ टेबलस्पून ११. पांढरे तीळ - १ टेबलस्पून १२. साजूक तूप / बटर - १ टेबलस्पून 

हिवाळ्यातील ताज्या-रसरशीत आवळ्याचा करा मुखवास! एकदा करा वर्षभर खा - पाचक, चटपटीत मुखवास रेसिपी...

कृती :- 

१. सगळ्यात आधी ज्वारीचे हिरवे कोवळे दाणे म्हणजेच हुरडा पाण्यातून २ ते ३ वेळा स्वच्छ धुवून घ्यावा. २. मिक्सरच्या मोठ्या भांड्यामध्ये हे ज्वारीचे हिरवे कोवळे दाणे घेऊन त्यात आल्याचा तुकडा, हिरव्या मिरच्या, लसूण पाकळ्या आणि किंचित ३ ते ४ टेबलस्पून पाणी घालावे. ३. मिक्सर फिरवून मिश्रण जाडसर भरड होईपर्यंत वाटून घ्यावे. 

हिरव्या मुगाचे लाडू म्हणजे लहानपणची सुंदर आठवण, आजीच्या काळातलं सुपरफूड-पाहा पारंपरिक रेसिपी...

४. मिक्सरमध्ये वाटून घेतलेलं पीठ एका मोठ्या बाऊलमध्ये काढून घ्यावे. या बॅटरमध्ये ज्वारीचे पीठ, बारीक चिरलेला कांदा, हळद, धणेपूड, पांढरे तीळ असे सगळे जिन्नस घालावे. हे सगळे जिन्नस एकत्रित कालवून थोडे पाणी घालून घट्टसर कणकेप्रमाणेच पीठ मळून घ्यावे. ५. एक कॉटनचा रुमाल घेऊन तो हलकेच पाणी शिंपडून ओला करून घ्यावा. त्यानंतर तयार पिठाचा गोळा घेऊन गोलाकार थालीपीठ थापून घ्यावे. या थालीपीठाला बरोबर मधोमध ३ ते ४ छिद्र पाडून घ्यावीत. ६. गरम तव्याला तेल लावून त्यावर हे थालीपीठ घालून दोन्ही बाजूने खरपूस भाजून घ्यावे. 

गरमागरम हुरड्याचे थालीपीठ दही, लोणी किंवा चटणी सोबत खाण्यासाठी अधिकच छान लागते.

English
हिंदी सारांश
Web Title : Winter Treat: Delicious, Rustic 'Hurda Thalipeeth' - A Traditional Recipe

Web Summary : Hurda Thalipeeth, made from tender jowar grains, is a nutritious winter dish. This traditional recipe is easy to make, healthy, and delicious, offering warmth and energy during the cold season.
टॅग्स :अन्नपाककृतीहिवाळ्यातला आहार