तोंडी लावण्यासाठी करा कैरीची चटपटीत चटणी- उन्हाळ्यातली खास मेजवानी, सोपी रेसिपी- तोंडाला येईल चव - Marathi News | How to make raw mango chutney at home Spicy and tangy mango chutney recipe Kairi ki chatni with jaggery and garlic Summer appetizers for Indian meals Best side dish for dal rice

उन्हाळा सुरु झाला की बाजारात आपल्याला कैरी पाहायला मिळते. हिरवीगार, आंबट-गोड कैरी खाण्याची बातच काही न्यारी. बरेचदा उन्हामुळे आपल्याला जेवणाची इच्छा उरत नाही किंवा तोंडाला चव येत नाही.(Raw Mango Chutney Recipe) अशावेळी जेवणाच्या ताटात जर कैरीची चटपटीत चटणी असेल तर सध्या वरण-भाताची चवही दुप्पट होते. ही चटणी फक्त चविष्ट नसून उन्हाळ्यातील उष्णतेपासून आपला बचाव करण्यासाठी आणि पचन सुधारण्यासाठी देखील गुणकारी आहे. (Kachi Kairi Chatni)कैरीच्या चटणीचे विविध प्रकार आहेत. कुणी त्यात तिखट घालतं तर कुणी गूळ घालून आंबट-गोड करत. पण खरं सुख हे साध्या चटणीतच.(Summer Special Side Dish) ही चटणी बनवायला अत्यंत सोपी आहे आणि यासाठी लागणारे साहित्य आपल्या स्वयंपाकघरात सहज उपलब्ध असते.(Traditional Maharashtrian Recipes) जर आपल्यालाही उन्हाळ्यात दुपारच्या जेवणाचा आनंद वाढवायचा असेल तर ही झटपट होणारी चविष्ट रेसिपी आपण नक्की ट्राय करु शकतो. यासाठी लागणारे साहित्य आणि कृती पाहूया.

गुडघ्यापर्यंत वाढतील केस! रोज खा फक्त १ 'मॅजिकल लाडू', महिन्याभरात विरळ केस होतील जाडजूड -पांढरे केस होतील काळे

साहित्य

कैरी - १ मध्यम आकाराची कोथिंबीर - १ वाटी कोथिंबीरीचे देठ - १ वाटी ओले खोबरे - १ छोटी वाटी जिरे - १ चमचामीठ - १ चमचागूळ - १ ते २ चमचेहिरव्या मिरच्या - २ ते ३भाजलेले शेंगदाणे - २ चमचे

कृती

1. सगळ्यात आधी कैरी, कोथिंबीर स्वच्छ धुवून घ्या. त्यानंतर कैरीचे काप करा. कोथिंबीरीचे देठ वेगळे करा. आता तव्यावर शेंगदाणे भाजून घ्या.

2. यानंतर मिक्सरच्या भांड्यात ओले खोबरे, कोथिंबीर, त्याचे देठ, जिरे, हिरव्या मिरच्या, कैरीचे तुकडे, भाजलेले शेंगदाणे घालून वाटण तयार करा.

3. आता यात गूळ आणि मीठ घालून पुन्हा एकदा हलके फिरवून घ्या. गूळ पूर्ण विरघळला की चटणी तयार.

4. जर आपल्याला अधिक चव हवी असेल, तर वरून मोहरी, हिंग आणि कढीपत्त्याची फोडणी देऊ शकता.

5. तापाने किंवा उन्हामुळे आपल्या तोंडाची चव गेली असेल तर ही चटणी भूक वाढवण्यास मदत करते. ही चटणी काचेच्या बरणीत भरून ३ ते ४ दिवस चांगली टिकते. चटणी वाटताना त्यात पाणी घालू नका. यामुळे तिची चव बदलते.

English

हिंदी सारांश

Web Title : Tangy Raw Mango Chutney: A quick, tasty summer treat recipe.

Web Summary : Raw mango chutney is a delicious and healthy summer side dish. This simple recipe uses raw mangoes, coriander, coconut, and spices. It aids digestion and provides relief from summer heat. Enjoy it with your meals for added flavor.