सकाळचा नाश्ता, डबा, मुलांसाठी वेगळा खाऊ करताना खरंतर आपल्या नाकी नऊ येते. पण रोज पौष्टिक पदार्थ नेमके काय बनवायचे असा प्रश्न आपल्याला पडतो.(Green moong dal appe) तेच ते डोसे, उपमा, रवा, पोहे किंवा तांदळाची पिठं वापरुन केलेल्या रेसिपी खाऊ आपल्यालाही कंटाळा येतो. त्यात मुलांना काही पौष्टिक खाऊ घालायचे असेल तर चवीत तडजोड नको, हे तर वेगळंच.(Healthy breakfast recipe) अशावेळी आपण साध्या पण पौष्टिक घटकापासून आगळीवेगळी आणि मुलांना आवडणारी रेसिपी तयार करु शकतो. हिरव्या मुगाचे अप्पे. (Breakfast recipe)
रवा, पोहे, तांदळापासून तयार केलेले अप्पे आपण नेहमीच खातो. पण अनेकदा अप्पे चिकटतात, लगदा होतो किंवा व्यवस्थित फुगत नाही.(Non sticky appe tips) पण काही सोप्या ट्रिक्स लक्षात ठेवल्या तर अप्पे पौष्टिकही होतील आणि चिकटणारही नाही. हिवाळ्यात वातावरणात गारवा असतो. त्यासाठी मुलांची हाडे बळकट करण्यासाठी हिरवे मूग फायदेशीर आहे.(Kids lunchbox recipe) हिरव्या मुगात फायबर, आयर्न, कॅल्शियम, व्हिटॅमिन बी मुबलक प्रमाणात असते. त्यामुळे मुलांचे पोट भरलेले राहिल आणि त्यांना सतत भूक लागणार नाही, पाहूया हिरव्या मुगाचे अप्पे बनवण्यासाठी लागणारे साहित्य.
लग्नसमारंभात करा रेखा स्टाईल एंट्री! ५ रॉयल साड्या, कायम दिसाल तरुण सुंदर आणि क्लासी
साहित्य
भिजवलेले हिरवे मूग - १ वाटी
लसूण पाकळ्या - ५ ते ६
हिरव्या मिरच्या - २ ते ३
कढीपत्ता - ४ ते ५ पाने
कोथिंबीर - आवश्यकतेनुसार
रवा - १ छोटा कप
दही - १ छोटा कप
मीठ - चवीनुसार
बारीक चिरलेला कांदा - १ छोटी वाटी
तेल - आवश्यकतेनुसार
तीळ - १ चमचा
कृती
1. सगळ्यात आधी हिरवे मूग स्वच्छ धुवून रात्रभर पाण्यात भिजत घाला. त्यानंतर कांदा बारीक चिरून घ्या. आता एका मिक्सरच्या भांड्यात भिजवलेले हिरवे मूग, लसूण पाकळ्या, हिरव्या मिरच्या, कढीपत्ता, कोथिंबीर, रवा, दही आणि मीठ घालून मिश्रण तयार करा. मिश्रण जास्त बारीक किंवा जाड नको.
2. तयार मिश्रण एका बाऊलमध्ये घेऊन त्यात चिरलेला बारीक कांदा घाला. आपल्याला हवे असल्यास इतर भाज्या देखील घालू शकतो. कांदा व्यवस्थित मिक्स करुन घ्या.
3. अप्पे पात्राला गॅसवर गरम करायला ठेवा. ग्रीस करुन त्यावर तीळ पसरवा. चमच्याच्या मदतीने तयार सारण अप्पे पात्रात घाला. झाकण झाकून ठेवा. ५ मिनिटानंतर अप्पे दुसऱ्या बाजूने व्यवस्थित फ्राय करुन घ्या. सोनेरी रंग आल्यानंतर काढा. हिरव्या चटणी किंवा दहीसोबत खा पौष्टिक हिरव्या मुगाचे अप्पे.