हिवाळ्यात वरदान ठरते आवळा आणि मधाची 'ही' चटणी, टेस्टी तर लागेलच तब्येतही ठेवेल ठणठणीत

Amla Honey Chutney Recipe: आज आपण आवळा आणि मधाची चटणी जाणून घेऊ जी टेस्टी तर आहेच, पण या हिवाळ्यासाठी आरोग्याचाही खजिना आहे.

Amla Honey Chutney Recipe: हिवाळ्याची सुरुवात झाली आहे. अशात तब्येतीची विशेष काळजी घेणं गरजेचं असतं. या ऋतूत शरीर फिट ठेवणं आणि इम्युनिटी मजबूत ठेवणं खूप महत्त्वाचं असतं. कारण थंडीत नेहमीच सर्दी-पडसे, खोकला किंवा कमजोरीसारख्या समस्या होत राहतात. त्यामुळे या काळात आहारात काही खास गोष्टींचा समावेश करणं उपयोगी ठरतं, ज्यामुळे शरीर आजारांपासून सुरक्षित राहू शकतं. अशात आज आपण आवळा आणि मधाची चटणी जाणून घेऊ जी टेस्टी तर आहेच, पण या हिवाळ्यासाठी आरोग्याचाही खजिना आहे.

आवळा आणि मधाचे फायदे

आवळा हा व्हिटामिन C चा सर्वात मोठा नैसर्गिक स्रोत आहे. तो इम्युनिटी वाढवतो, पचन सुधारतो आणि त्वचा-केसांसाठी अत्यंत फायदेशीर आहे. तर मधात अँटीऑक्सिडंट, अँटी-बॅक्टेरिअल आणि ऊर्जा देणारे गुण असतात. दोन्ही एकत्र मिसळून बनवलेली चटणी चवीला जबरदस्त आणि आरोग्यासाठी आणखीच फायदेशीर ठरते.

चटणी बनवण्यासाठी काय काय लागेल?

250 ग्रॅम आवळे

3 ते 4 मोठे चमचे मध

1 छोटा तुकडा आले

1 ते 2 हिरव्या मिरच्या

चवीनुसार काळं मीठ

भाजलेल्या जिऱ्याचा पूड

चटणी बनवण्याची सोपी रेसिपी

सगळ्यात आधी आवळे स्वच्छ धुवा आणि उकळून घ्या. मऊ झाल्यावर त्यातील बी काढून आवळ्याचे तुकडे मिक्सरमध्ये टाका. त्यात आले, हिरवी मिरची, काळं मीठ आणि जिरं पूड घाला. हे सर्व एकत्र बारीक वाटून घ्या. आता त्यात मध घालून चांगलं मिसळा. अशी तुमची आवळा-मधाची चटणी तयार! ही चटणी काचेच्या बरणीत भरून फ्रिजमध्ये ठेवू शकता.