Join us
Daily Top 2Weekly Top 5

फॅमिली मॅनमधील उलपी, नागालँडची लेक झाली भारतभर लोकप्रिय, अतिशय खडतर प्रवास करत चालली अभिनय वाट

By लोकमत न्यूज नेटवर्क | Updated: November 30, 2025 11:47 IST

Ulpi, the Nagaland girl from Family Man, became popular all over India, her acting journey was a very tough one : सगळ्यांच्या मनात घर करणारं पात्र म्हणजे उलपी. नक्की कोण आहे ही कलाकार?

पूर्वोत्तर भारतातून येणारी पूनम गुरुंग ही अभिनेत्री सध्या The Family Man मुळे विशेष चर्चेत आहे. तिची भूमिका, तिचा वेगळा लूक आणि प्रभावी ॲक्शन सीन यांनी प्रेक्षकांचे लक्ष तिच्याकडे वेधून घेतले. (Ulpi, the Nagaland girl from Family Man, became popular all over India, her acting journey was a very tough one)पण या अभिनेत्रीचा प्रवास यापेक्षा खूप मोठा आणि मेहनतीने घडलेला आहे. 

नागालँडमध्ये जन्मलेल्या पूनमचा सांस्कृतिक आणि कलाविश्वाशी लहानपणापासूनच घनिष्ठ संबंध होता. नृत्य, मार्शल-आर्ट आणि कला यांची आवड तिला अभिनयाकडे घेऊन आली. तिचे व्यक्तिमत्त्व, मेहनत आणि शारीरिक चपळता यामुळे विविध भाषांतील प्रोजेक्ट्समध्ये तिला संधी मिळत गेल्या. २०१६ मध्ये Sunshine Music Tours & Travels या हिंदी चित्रपटातून तिचे सिनेमात पदार्पण झाले. त्यानंतरच्या काळात तिने बंगाली चित्रपट खोज आणि असामी चित्रपट बोरो आदीमध्ये प्रभावी भूमिका साकारल्या. विविध भाषा आणि प्रादेशिक चित्रपटांमध्ये काम करण्याची क्षमतेमुळे तिची वेगळी ओळख होत गेली.

अल्लू अर्जुन तसेच जॅकलिनसारख्या कलाकारांसाठी बॅक डान्सर म्हणून तिने काम केले आहे. धक - धक या चित्रपटात तिला फक्त ५ मिनिटांचा रोल मिळाला होता. त्यासाठी तिने केस कापून टाकले होते. त्या भूमिकेसाठी तिला प्रसिद्धी मिळणार नाही हे माहिती असून तिने हे केले. फक्त अभिनयचं नाही तर ती एक नृत्यांगना आहे तसेच ती म्यूझिक कम्पोझरही आहे. एवढेच नाही तर ती एक मार्शियल आर्टिस्ट आहे.

आज ज्या मालिकेबद्दल सर्व जण बोलत आहेत, त्यात पूनमने उलपी ही भूमिका साकारली आहे. पूर्वोत्तर भारताचे प्रतिनिधित्व करणारी ही भूमिका तिच्यासाठी एक महत्त्वाचा टप्पा ठरला. मालिकेत तिने केलेले ॲक्शन सीन्स, तिची स्क्रीन-प्रेझेन्स आणि तिचा आत्मविश्वास या सगळ्यांनी प्रेक्षकांना थक्क केले. मालिकेतल्या ताणतणावपूर्ण कथा-पार्श्वभूमीत तिची भूमिका लक्षवेधी ठरते आणि तिच्या अभिनयकौशल्याचा नवा पैलू दाखवते. नॉर्थइस्टमधील कलाकारांना फार वाव मिळत नाही, तसेच त्यांची खिल्ली उडवली जाते. मात्र पूनमला फॅमिली मॅनमुळे लोकप्रियता मिळाली आहे. 

English
हिंदी सारांश
Web Title : Family Man's Ulpi: Nagaland girl's tough road to acting fame.

Web Summary : Poonam Gurung, from Nagaland, gained fame as Ulpi in 'The Family Man'. Her journey involved dance, martial arts, and roles in Hindi, Bengali, and Assamese films. She was a background dancer and music composer, showcasing her diverse talents and resilience.
टॅग्स :सेलिब्रिटीसोशल व्हायरलमनोज वाजपेयीईशान्य भारतप्रेरणादायक गोष्टी