केस पांढरे होणं आपण ठरवूनही थांबवू शकत नाही. विशिष्ट वयोगटात केस पांढरे व्हायला सुरूवात होतेच. तर वय कमी असतानाच केस पांढरे व्हायला सुरूवात झाली असेल आणि तुम्ही केमिकलयुक्त डाय वापरायला सुरूवात केली तर केस अजूनच पांढरे होऊ लागतील. केसांना नैसर्गिकरित्या काळे करण्यासाठी तुम्ही काही घरगुती उपाय करू शकता. (Use Alum Fitkari For White Hairs)
ज्यामुळे तुमचे केस काळे राहतील आणि त्याचे काही साईड इफेक्टसही दिसणार नाहीत. केमिकल्स न वापरता केसांची योग्यप्रकारे काळजी घेऊ शकता. जेनेटिक कारणं, जास्त ताण येणं, चुकीचा आहार, पोषक तत्वांची कमतरता, केमिकल्सयुक्त उत्पादनांचा अतिवापर यामुळे केस पांढरे होतात.
केसांसाठी फायदेशीर ठरते तुरटी
तुरटी केसांसाठी अनेकदृष्ट्या फायदेशीर ठरते. यात एंटी बॅक्टेरिअल, एंटी फंगल प्रॉप्रटीज असतात ज्यामुळे केस चांगले राहतात. खाज, कोंडा, केस गळणं केस पांढरे होणं हे त्रास कमी होतात. केस स्वच्छ चांगले ठेवण्यासाठी तुरटी फायदेशीर ठरते. तुरटीचा हा उपाय करण्यासाठी तुम्हाला तुरटीची पावडर, आवळा पावडर, कढीपत्ता, लिंबाचा रस हे साहित्य लागेल.
सगळ्यात आधी तुरटीची पावडर घेऊन एका दगडावर वाटून घ्या. नंतर यात आवळा पावडर आणि कढीपत्ता घाला. शेवटी लिंबाचा रस घालून हे सर्व साहित्य पाण्यात उकळवून घ्या. तुम्ही शॅम्पूऐवजी या मिश्रणानं केस धुवू शकता. हा उपाय केल्यानं पांढरे केस हळूहळू काळे होऊ लागतील. केस मुळांपासून काळे होण्यास मदत होईल, केस मजबूत राहतील तसंच केसांचे टेक्स्चर सुधरण्यासही मदत होईल.
तुरटी त्वचेवरील मृत पेशी आणि बॅक्टेरिया काढून टाकण्यास मदत करते. ज्यामुळे कोंड्याची समस्या कमी होते. तुरटीमध्ये उवा मारण्याचे गुणधर्म असतात. तुरटीच्या पाण्यानं केस धुतल्यानं उवांपासून सुटका मिळते. डोक्याची त्वचा स्वच्छ राहिल्यानं केसांची मुळं मजबूत होतात आणि केस गळती कमी होण्यास मदत होते. ज्यांचे केस खूपच तेलकट असतात त्यांच्यासाठी तुरटी नैसर्गिक एस्ट्रिंजंट म्हणून काम करते आणि जास्तीचं तेल शोषून घेते.