आपल्यापैकी अनेकजणींना त्वचेच्या अनेक समस्या त्रास देतात. चेहऱ्यावर सतत येणारे पिंपल्स, त्यानंतर राहणारे काळे डाग आणि वांग यामुळे त्वचेचा नैसर्गिक उजळपणा कमी होतो. त्वचेवर जर पिंपल्स तसेच पिंपल्स येऊन गेल्यावर त्याचे काळे डाग आणि वांग दिसत असतील तर त्वचेचे नैसर्गिक सौंदर्य हरवते आणि आपला पूर्ण लूकच बिघडतो. त्वचेवर जर एकदा पिंपल्स आले तर ते जायचे नावाचं घेत नाहीत आणि गेलेच तर त्याचे काळे डाग त्वचेवर राहतात. अशावेळी, त्वचेची योग्य ती काळजी घ्यावी लागते इतकेच नाही तर पिंपल्स व त्याचे काळे डाग आणि वांग घालवण्यासाठी घरगुती उपाय करणे फायदेशीर ठरते(neem leaves remedy for pimples).
आपल्या घराच्या आजूबाजूलाच किंवा घराच्या गार्डनमध्ये सहज उपलब्ध असलेली कडुलिंबाची पाने ही एक असरदार आणि नैसर्गिक उपाय ठरू शकतात. अँटीबॅक्टेरियल, अँटीफंगल आणि रक्तशुद्धी करणारे गुणधर्म असलेल्या कडुलिंबाचा वापर प्राचीन काळापासून त्वचेच्या अनेक समस्यांवर केला जातो. आयुर्वेदात औषधी गुणधर्मांसाठी ओळखली जाणारी कडुलिंबाची पाने त्वचेसाठी खऱ्या अर्थाने वरदान मानली जातात. अँटीबॅक्टेरियल आणि अँटीइन्फ्लेमेटरी गुणधर्मांमुळे कडुलिंब पिंपल्स कमी करण्यास, डाग फिके करण्यास आणि वांगावर अधिक खोलवर जाऊन काम करते. त्वचेवरील पिंपल्स, काळे डाग आणि वांग कमी करण्यासाठी (natural remedy for acne and dark spots) कडुलिंबाच्या पानांचा योग्य वापर कसा करायचा याची साधीसोपी ट्रिक पाहूयात.
त्वचेचे नैसर्गिक सौंदर्य टिकवून ठेवण्यासाठी कडूलिंबाच्या पानांचा घरगुती उपाय...
योग गुरु कैलाश बिश्नोई यांनी त्यांच्या इंस्टाग्राम अकाऊंटवरून एक व्हिडिओ शेअर करत, त्वचेवरील पिंपल्स, त्याचे डाग आणि वांग कमी करण्यासाठी एक खास घरगुती उपाय शेअर केला आहे. त्वचेवरील पिंपल्स, काळे डाग आणि वांग कमी करण्यासाठी कडुलिंबाच्या पानांचा योग्य पद्धतीने वापर करण्यासाठी आपल्याला, १ कपभर कडीपत्त्याची पाने, १ टेबलस्पून बेसन, १ टेबलस्पून हळद इतक्या साहित्याच गरज लागणार आहे.
नेमका 'हा' घरगुती उपाय आहे तरी काय ?
हा घरगुती फेसपॅक तयार करण्यासाठी तुम्हाला खूप जास्त वेळ लागणार नाही; आपण अगदी सहजरित्या हा फेसपॅक घरच्याघरीच तयार करु शकता. सर्वात आधी घराभोवती किंवा रस्त्याच्या कडेला असलेल्या कडुलिंबाच्या झाडाची ताजी पाने तोडून आणा आणि ती स्वच्छ पाण्याने धुवून घ्या. आता मिक्सरच्या भांड्यात ही पाने घ्या, त्यात थोडे पाणी टाका आणि पाने वाटून त्याचा रस तयार करा. हा तयार झालेला रस एका गाळणीने गाळून एका वाटीत वेगळा काढून घ्या. आता या हिरव्या रसात गरजेनुसार बेसन आणि चिमूटभर हळद मिसळा. सर्व मिश्रण व्यवस्थित एकत्र केल्यावर तुमचा घरगुती फेसपॅक तयार होईल. हा फेसपॅक आपल्या चेहऱ्यावर व्यवस्थित लावून घ्या आणि साधारण २० ते ३० मिनिटे किंवा सुकेपर्यंत तसाच राहू द्या. त्यानंतर चेहरा स्वच्छ पाण्याने धुवून घ्या.
'हा' घरगुती उपाय कसा आहे फायदेशीर...
१. कडुलिंबामध्ये नैसर्गिकरीत्या बॅक्टेरियाविरोधी, बुरशीविरोधी,आणि अँटी-ऑक्सिडंट गुणधर्म असतात. हे गुणधर्म मुरुम (Acne), पिंपल्स, त्वचेची जळजळ, सूज आणि कोणत्याही प्रकारच्या इन्फेक्शनपासून त्वचेचे संरक्षण करण्यास मदत करतात.
२. कडुलिंबाची पाने त्वचेतील नैसर्गिक तेलाचे प्रमाण संतुलित ठेवतात, ज्यामुळे चेहरा जास्त तेलकट दिसत नाही.
३. ही पाने त्वचेला आतून खोलवर स्वच्छ करतात ज्यामुळे रोमछिद्रे मोकळी होतात आणि त्वचा टवटवीत दिसते.
४. कडुलिंबाची पाने रक्तातील विषारी घटक बाहेर टाकण्यास मदत करतात, त्यामुळे त्वचा स्वच्छ आणि निरोगी दिसते.
५. कडुलिंबाची पाने पिंपल्स, फोड, खाज आणि पुरळ यांसारख्या त्वचेच्या समस्यांवर फायदेशीर ठरतात. नियमित वापर केल्यास त्वचेवरील डाग हळूहळू फिके होण्यास मदत होते.