ऊन, धूळ, प्रदुषण यांचा आणि त्वचेचा वारंवार संपर्क येत असेल आणि अशावेळी त्वचेची योग्य ती काळजी घेण्यात आपण कमी पडत असू तर काही दिवसांतच त्वचेवर पिगमेंटेशन, ॲक्ने दिसू लागतात. पिंपल्सचा त्रासही होतो. पिंपल्स येऊन गेल्यानंतर चेहऱ्यावर काळे डाग पडतात आणि पुढचे काही दिवस ते अजिबात जात नाहीत. यामुळे चेहऱ्यावरचं तेज आणि सौंदर्य कमी होतंच. म्हणूनच पुढे सांगितलेला एक उपाय काही दिवस नियमितपणे करून पाहा (home hacks for radiant glow). हा उपाय केल्यास पिगमेंटेशन, ॲक्ने, पिंपल्स कमी होऊन चेहरा अगदी स्वच्छ, नितळ होईल आणि त्वचेवर छान चमक येईल.(how to get naturally glowing skin?)
चेहऱ्यावर छान चमक, तेज येण्यासाठी काय उपाय करावा?
चेहऱ्यावरचे काळपट डाग कमी करून त्वचेवर एक छान ग्लो हवा असेल तर टोमॅटोचा रस आणि बटाट्याचा रस अतिशय उपयुक्त ठरतात. या दोन्ही पदार्थांना नॅचरल ब्लिचिंग एजंट म्हणून ओळखले जाते. या दोन्ही पदार्थांमुळे त्वचेवर छान चमक येते.
हिवाळ्यातलं स्वस्तात मस्त टॉनिक म्हणजे 'ही' ५ फळं, सततची आजारपणं टळून सौंदर्यही खुलेल..
हा उपाय करण्यासाठी एका वाटीमध्ये १ चमचा टोमॅटोचा रस आणि १ चमचा बटाट्याचा रस घ्या.
त्यामध्ये १ चमचा कॉफी पावडर, १ चमचा दही, १ चमचा तांदळाची पावडर घाला.
तांदळाची पावडर आणि कॉफी त्वचेवरचे टॅनिंग, डेडस्किन कमी करून त्वचेला नवी चमक देते तर दह्यामुळे त्वचा हायड्रेटेड राहण्यास मदत होते.
तळपायांना पडलेल्या भेगा काही दिवसांतच होतील गायब- 'हे' घरगुती क्रिम वापरा- टाचा होतील मऊ, कोमल
आता सगळ्यात शेवटी त्यामध्ये व्हिटॅमिन ई ची १ कॅप्सूल फोडून टाका. सगळे पदार्थ व्यवस्थित हलवून एकजीव करून घ्या आणि त्यानंतर हा लेप चेहऱ्याला लावा.
१५ ते २० मिनिटे लेप चेहऱ्यावर तसाच ठेवा आणि त्यानंतर हलक्या हाताने चोळून धुवून टाका. काही दिवस अगदी रोजच हा उपाय करून पाहा. त्वचेमध्ये खूप छान बदल झालेला दिसेल.