सर्दी-पडसा होऊ न देता हिवाळ्यात केसांना मेहंदी कशी लावायची? पाहा काय आहे योग्य पद्धत

How to apply mehandi in white hair : काही गोष्टींची काळजी घेतली तर हिवाळ्यात मेहंदी लावूनही सर्दी-पडसा होणार नाही. यासाठी आम्ही तुम्हाला काही टिप्स सांगत आहोत. 

How to apply mehandi in white hair : थंडीच्या दिवसात पांढरे केस काळे करण्यासाठी मेहंदी लावणं अनेकदा नुकसानकारक ठरतं. कारण आधीच वातावरण थंड त्यात मेहंदीचा लेपही थंड. अशात सर्दी-खोकला होण्याची समस्या होते. त्यामुळे बरेच लोक या दिवसात मेहंदी लावणं टाळतात. मात्र, काही गोष्टींची काळजी घेतली तर मेहंदी लावूनही सर्दी-पडसा होणार नाही. यासाठी आम्ही तुम्हाला काही टिप्स सांगत आहोत. 

थंडीत कशी लावाल मेहंदी?

- हिवाळ्यात केसांना मेहंदी उन्हात बसून लावावी. तर मेहंदीचा लेप गरम पाण्याने तयार करावा. असं केल्याने तुम्हाला सर्दी होणार नाही. 

- जर धुक्यामुळे उन्ह पडत नसेल आणि तुम्हाला अर्जंटमध्ये कुठेतरी जायचं असेल तर मेहंदीचा लेप गरम पाण्यात वेळ ठेवावा. त्यानंतर केसांना लावा. याने डोक्याला गरमी मिळेल आणि सर्दी होणार नाही.

- गरम पाण्यासोबतच तुम्ही रूम हीटर समोरही मेहंदी ठेवू शकता. याने मेहंदी गरम होईल. तसेच मेहंदी सुकवण्यासाठी हेअर ड्रायरचा वापर करावा. 

- सगळ्यात महत्वाची बाब म्हणजे मेहंदी सुकल्यानंतर केस गरम पाण्याऐवजी नॉर्मल पाण्याने धुवावे. यानेही सर्दी होणार नाही.

- कोमट पाण्यात मेहंदी भिजवून लावणे, तेल लावणे हा थंडीपासून बचावाचा सगळ्यात सोपा उपाय आहे. 

कोंडा दूर करण्यासाठी मेहंदीचा वापर

केसातील कोंड्याच्या समस्येने प्रत्येक दुसरा व्यक्ती हैराण आहे. अनेकदा योग्य शॅम्पूचा वापर करुन कोंडा दूर केला जाऊ शकतो. पण कधी कधी अनेक उपाय करुनही केसांतील कोंडा दूर होत नाही. तुम्हालाही ही समस्या असेल तर आम्ही तुम्हाला काही खास टिप्स सांगणार आहोत. मेहंदीच्या काही हेअर पॅकने तुमची ही समस्या दूर होऊ शकते. 

१) मेहंदीमध्ये लिंबू, योगर्ट

बाजारातून फ्रेश मेहंदी घेऊन किंवा मेहंदी पाने सुकवून त्याची पावडर करा. बाजारात मिळणारी केमिकल्स युक्त मेहंदी पावडरची वापर न केल्यास योग्य होईल. एका वाटीमध्ये ४ चमचे मेहंदी पावडर, एका लिंबाचा रस आणि गरज असेल तर योगर्ट टाका. आता हेअर हा हेअर पॅक केसांच्या मुळापासून लावा. ३० मिनिटे हा पॅक तसाच राहू द्या आणि नंतर थंड पाण्याने केस धूवा. त्यानंतर कमी केमिकल असलेल्या शॅम्पूने केस धूवा. 

२) मेहंदीमध्ये ऑलिव ऑइल आणि मेथी दाणे

एका वाटीमध्ये ४ चमचे मेहंदी पावडर, एका लिंबाचा रस, एक चमचा ऑलिव ऑइल, एक चमचा मेथीच्या दाण्यांचं पावडर आणि शेवटी योगर्ट टाकून मिश्रण तयार करा. हे मिश्रण रात्रभर तसेच राहू द्या. सकाळी हे केसांवर लावा. मेहंदी सुकल्यावर केस धुवा.