होळीच्या सणाची गोष्टच वेगळी असते. एरवी कोणताही सण आला की आपण नवनविन कपडे घालून छान तयार होतो. नटतो- सजतो. पण होळीच्या सणाला मात्र असं काहीच नसतं. रंग खेळायचा असला की घरात जितके जुने कपडे असतात तितके ते जास्त घातले जातात. कधी कधी तर होळीला घालण्यासाठी म्हणून जुने कपडे आवर्जून बाजुला ठेवले जातात. पण असे जुने कपडे घालण्यापुर्वी थोडा शांतपणे विचार करा आणि आपण निवडलेले कपडे खरंच रंग खेळण्यासाठी योग्य आहेत का हे तपासून पाहा (how to wear clothes for holi celebration?). कारण रंगात खेळताना, पाण्यात भिजल्यावर चारचौघांत आपली फजिती व्हायला नको.(which types of clothes should be avoid for holi celebration?)
रंग खेळताना कसे कपडे घालावे?
१. होळीला घरातले जुने कपडे घालायचे असतील तर जरुर घाला. पण ते खूप जीर्ण झालेले नको. कारण रंग खेळताना एकमेकांना पकडलं जातं, ओढून बळजबरीने रंग लावला जातो. असं सगळं होत असताना तुमचे कपडे जर खूप जीर्ण असतील तर ते फाटण्याची शक्यताही असते.
खूप तहान लागते- विसराळूपणाही वाढला? तुम्हाला असू शकतो 'हा' आजार, जगणं विस्कटणारा त्रास
२. अतिशय पातळ फॅब्रिक असणारे कपडे रंग खेळताना घालू नका. कारण यादिवशी एकमेकांवर ओला रंग टाकला जातो. अंगावर पाणी ओतलं जातं. अशावेळी पातळ कपडे असतील तर ते अंगाला घट्ट चिकटून बसतात. यामुळे चारचौघांत खूप अवघडल्यासारखं वाटतं. त्यामुळे शक्यतो जाड कापड असणारे किंवा कॉटनचे जाडसर कपडे घाला.
३. पांढऱ्या रंगाचे कपडे घालून रंग खेळणं हे फक्त टीव्हीमध्येच चांगलं दिसतं. कारण पांढऱ्या कपड्यांवर जर पाणी पडलं तर ते अजिबात चांगलं दिसत नाही. त्यामुळे पांढरेच काय पण हलक्या लाईट शेडचे कपडेही होळी खेळायला घालू नका. रंग खेळताना जाडसर कपडे घाला.
४. आतमध्ये टीशर्ट आणि वरून आणखी एखादा ड्रेस.. असे एकावर एक कपडे रंग खेळायला घातले तर जास्त चांगलं. यामुळे अंगावर कितीही पाणी पडलं तरी अडचण येत नाही.