चारोळी हा पदार्थ आपण बासुंदी, खीर अशा वेगवेगळ्या पदार्थांमध्ये हमखास घालतो. कित्येक मिठाई आणि लाडू प्रकारांमध्येही चारोळी घातली जाते. चारोळी ही अतिशय आरोग्यदायी असते. तिच्यामध्ये भरपूर स्निग्धता असल्याने शरीरासाठी ती पोषक आहे. आता त्याचा चारोळीचा वापर करून एक मस्त फेसपॅक तयार करा आणि दिवाळीच्या निमित्ताने तो लावून पाहा (Almond Powder Face Pack For Dull and Dry Skin). हा फेसपॅक कसा तयार करायचा आणि त्याचा आपल्या त्वचेवर कसा परिणाम होतो ते पाहूया..(how to get rid of dry skin?)
चारोळीचा फेसपॅक कसा तयार करायचा?
चारोळी वापरून घरच्याघरी अतिशय उत्तम दर्जाचा फेसपॅक कसा तयार करायचा याविषयी माहिती सांगणारा व्हिडिओ suparnatrikha या इंस्टाग्राम पेजवर शेअर करण्यात आला आहे.
हा उपाय करण्यासाठी एका वाटीमध्ये चारोळीची पावडर घ्या. त्यामध्ये थोडी बदामाची पावडर घाला.
गुडघे, टाचा खूप दुखतात? 'या' पद्धतीने तिळाचं तेल लावा, काही दिवसांतच दुखणं थांबेल
बदाम आणि चारोळी या दोन्ही पदार्थांमध्ये व्हिटॅमिन ई भरपूर प्रमाणात असते. त्यामुळे त्वचेला छान पोषण देण्यासाठी हे दोन्ही पदार्थ अतिशय उत्तम आहेत.
आता यामध्ये कच्चं दूध, मध आणि जवसाचं जेल घाला. जवसाचं जेल घरी तयार करण्यासाठी जवस थोडे मिक्सरला फिरवून जाडेभरडे बारीक करून घ्या.
आता जवसाचं हे मिश्रण आणि पाणी पातेल्यामध्ये एकत्र करून गॅसवर गरम करायला ठेवा. जेव्हा पाणी आटून जेलीसारखा पदार्थ तयार होईल तेव्हा ते पाणी गाळून घ्या. हे जवसाचं जेल फेसपॅकमध्ये घाला.
Diwali Celebration: लक्ष्मीपुजनाची तयारी कशी करावी? सोप्या ५ टिप्स, वेळेवर धावपळ होणार नाही
सगळे पदार्थ व्यवस्थित हलवून एकजीव करून घ्या. त्यानंतर हा फेसपॅक तुमच्या चेहऱ्याला लावा. साधारण १० मिनिटांनी कच्चं दूध चेहऱ्यावर चोळून फेसपॅक काढून घ्या. पाण्याने चेहरा धुवून घ्या आणि त्यानंतर मॉईश्चराईज करा. त्वचेमध्ये खूप छान बदल झालेला दिसून येईल.