Video: मुंबई विमानतळाच्या टर्मिनल १ मध्ये आगीचा भडका; प्रवेशद्वार बंद, धुराचे लोट बघून प्रवासी घाबरले

Mumbai Airport Fire: मुंबईतील छत्रपती शिवाजी महाराज आंतरराष्ट्रीय विमानतळाच्या टर्मिनल १ मध्ये आग लागल्याची घटना सायंकाळी सहा वाजता घडली. 

छत्रपती शिवाजी महाराज आंतरराष्ट्रीय विमानतळावरआग लागल्याची घटना घडली. विमानतळाच्या टर्मिनल १ च्या धावपट्टीजवळच ही आग लागली. धुराचे मोठे लोट बघून विमानतळावर प्रवाशी घाबरले होते. सगळीकडे धुराच पसरले होते. दरम्यान, अग्निशामक दलाला बोलावण्यात आले. त्यानंतर आगीवर नियंत्रण मिळवण्याचे प्रयत्न सुरू झाले. 

गुरुवारी (९ एप्रिल) सायंकाळी सहा वाजता अचानक टर्मिनल १ बी च्या जवळून आगीचे लोळ आणि धुराचे लोट दिसू लागले. त्यानंतर यंत्रणा अलर्ट झाली. प्रवेशद्वार बंद करण्यात आले आणि विमानतळावरील अग्निशामक यंत्रणेने युद्धपातळीवर आग विझवण्याचे काम सुरू केले. मुंबई महापालिकेच्या अग्निशामक दलालाही बोलावण्यात आले. 

Fire at Mumbai airport @CSMIA_Official@MumbaiPolice@CPMumbaiPolice#fireatmumbaiairportpic.twitter.com/XQhniKiZjU

— Anand Prasad Ram (@prince7anand) April 9, 2026

 

मिळालेल्या माहितीनुसार, शॉर्ट सर्किटमुळे ही आग लागली होती. महापालिकेच्या अग्निशामक दलाने सांगितले की, सायंकाळी ६.३५ वाजता विमानतळावर आग लागल्याची माहिती मिळाली. 

STORY | Fire erupts at Terminal 1 of Mumbai international airport

A fire broke out at Terminal 1 of the Chhatrapati Shivaji Maharaj International Airport in Mumbai on Thursday evening, a civic official said, adding that dousing operations were underway.

READ:… pic.twitter.com/zV2O24DfQe

— Press Trust of India (@PTI_News) April 9, 2026

विमानतळ टर्मिनल १ बी, सांताक्रूझ पूर्व येथील तीन मजली इमारतीच्या तळमजल्यावर ही आग लागली होती. टर्मिनलच्या केबल ट्रे आणि स्विच बॉक्समध्ये आग लागल्याचे अधिकाऱ्यांनी सांगितले. 

Fire at Mumbai airport @CSMIA_Official@MumbaiPolice@CPMumbaiPolice#fireatmumbaiairportpic.twitter.com/XQhniKiZjU

— Anand Prasad Ram (@prince7anand) April 9, 2026

आग लागल्यामुळे प्रवाशांमध्ये भीतीचे वातावरण निर्माण झाले. मात्र, खबरदारीचा उपाय म्हणून प्रवेश देण्याचे गेट बंद करण्यात आले होते. त्यानंतर उशिरापर्यंत आगीवर नियंत्रण मिळवण्याचे प्रयत्न सुरू होते.