ट्रकमध्ये तरुणीवर सामूहिक बलात्कार

रे रोड येथील घटना : पोलिसांनी केली तिघांना अटकमुंबई : रे रोड रेल्वे स्थानकाजवळील रस्त्याकडेला पार्क असलेल्या ट्रकमध्ये नेऊन २१ वर्षीय तरुणीवर तिघा नराधमांनी बलात्कार केल्याची धक्कादायक घटना सोमवारी उघडकीस आली. या प्रकरणी गस्तीवर असलेल्या काळाचौकी पोलिसांनी नराधमांंच्या तावडीतून तरुणीची सुटका करत तिघाही आरोपींंच्या मुसक्या आवळल्या. सलीम शेख (२१), राहुल मंडल (२०) आणि पंंचू गणेश डोकी (२५) अशी तिघा नराधमांंची नावे असून तिघेही मस्जिद येथे एका ज्वेलर्सच्या दुकानात कारागीर आहेत.अंधेरी येथे राहणारी २१ वर्षीय तक्रारदार तरुणी नेहमीप्रमाणे रे रोड दर्ग्यात दर्शनास आली होती. दर्शनास उशीर लागल्याने रात्री दहाच्या सुमारास तिने रे रोड रेल्वे स्थानक गाठले. मात्र घरी जाण्यास झालेला उशीर, त्यात टे्रनही सुटल्याने घाबरलेल्या अवस्थेत ती फलाटावर बसली. कामावरून घरी जात असलेल्या सलीम या नराधमाची नजर तिच्यावर पडली. आपणही त्याच दिशेने जात असल्याचे सांगून तरुणीचा त्याने विश्वास संपादन करत सलीम तिच्यासोबत टे्रनमध्ये चढला. दरम्यान, सलीमचे इतर दोघे साथीदारही त्याच डब्यात चढले. त्यात तरुणीने काही खाल्ले नसल्याचे लक्षात घेत सलीमने तिला जेवणासाठी कॉटनग्रीन रेल्वे स्थानकावर उतरविले व जेवणासाठी बाहेर नेत परिसरातील ट्रक पार्किंग विभागात नेले. तेथे तरुणीला धमकावत रस्त्याकडेला पार्क केलेल्या एका ट्रकमध्ये नेऊन तिघांनीही तिच्यावर बलात्कार केला.ट्रकमधून उतरताना स्थानिक ट्रक चालकाची नजर पडली. त्याने तत्काळ याची माहिती काळाचौकी पोलिसांना दिली. गस्तीवर असलेल्या काळाचौकी पोलिसांनी तरुणीची नराधमांंच्या तावडीतून सुटका केली. राहुल आणि पंंचू यांना पोलिसांनी तत्काळ अटक केली. दरम्यान, सलीमने पळ काढला. मात्र पोलिसांनी मंगळवारी सकाळी सलीमला रे रोड परिसरातून अटक केली. (प्रतिनिधी)तक्रारदार तरुणी अजूनही झालेल्या प्रकारातून सावरली नसून जवळच्या रुग्णालयात तिच्यावर उपचार सुरू आहेत. तिघाही आरोपींना आज न्यायालयाने ९ फेब्रुवारीपर्यंत पोलीस कोठडी सुनावली असल्याची माहिती काळाचौकी पोलीस ठाण्याचे वरिष्ठ निरीक्षक शेखर तावडे यांनी दिली.

‘बीडीडी’चा पुनर्विकास आराखडा सादर करा

मेकॅनिकल वजनकाटे सील

स्लीपर कोचवर काय कारवाई केली ?

‘तासगावकर’प्रकरणी विद्यापीठाची नव्याने समिती

इस्माईल दरबार वादाच्या भोवऱ्यात

गोमांस विक्रीवरून नालासोपारा बंद

ठाण्यात कैद्याचा पोलिसावर हल्ला

‘एआयबी’च्या वादात मनसेची उडी

अल्पसंख्याक आयोगाची पदे भरू नका

मुलगी विकणाऱ्या जोडप्यास सात वर्षांची शिक्षा

वाळीत प्रकरणे दुर्दैवी

ट्रकमध्ये तरुणीवर सामूहिक बलात्कार