Maharashtra 10th 12th Result 2025: दहावी, बारावी पुरवणी परीक्षेत मुली सरस; मुंबईचा निकाल सर्वांत कमी

Maharashtra 10th 12th Supplementary Exam Result 2025: महाराष्ट्र राज्य माध्यमिक व उच्च माध्यमिक शिक्षण मंडळाने जून-जुलैमध्ये घेतलेल्या दहावी व बारावीच्या पुरवणी परीक्षांचा निकाल मंगळवारी जाहीर केला.

लोकमत न्यूज नेटवर्क, मुंबई: महाराष्ट्र राज्य माध्यमिक व उच्च माध्यमिक शिक्षण मंडळाने जून-जुलैमध्ये घेतलेल्या दहावी व बारावीच्या पुरवणी परीक्षांचा निकाल मंगळवारी जाहीर केला. त्यानुसार दहावीचे ३६.४८ %, तर बारावीचे ४३.६५ %विद्यार्थी उत्तीर्ण झाले. 

दहावीच्या ३९.३७ % मुली, तर बारावीच्या ४७.४७ % मुली उत्तीर्ण झाल्या. दोन्ही परीक्षांमध्ये मुलींनी सरस कामगिरी केली. मुंबई विभागाचा दहावीचा निकाल सर्वांत कमी, म्हणजे १९.४२%, तर बारावीचा निकाल ३४.५० % लागला आहे. 

प्रवेशासाठी विशेष फेरी

दहावीच्या पुरवणी परीक्षेत उत्तीर्ण झालेल्या विद्यार्थ्यांसाठी अकरावी प्रवेशासाठी शिक्षण विभागाकडून लवकरच विशेष फेरीचे घेण्यात येणार आहे. त्यासाठी नियोजन सुरू असल्याची माहिती शिक्षण विभागातील अधिकाऱ्यांनी दिली.