फेसबुकवर पोस्ट टाकली म्हणून काँग्रेस कार्यकर्त्याचा खून
By ऑनलाइन लोकमत | Published: October 22, 2018 08:35 AM2018-10-22T08:35:20+5:302018-10-22T13:47:06+5:30
मुंबई : फेसबुकवर स्थानिक आमदाराबाबत पोस्ट टाकल्याच्या रागातून भाजपच्या कार्यकर्त्यांनी घाटकोपरच्या असल्फा परिसरात काँग्रेसच्या कार्यकर्त्याचा तलवार हल्ला करून खून ...
फेसबुकवर पोस्ट टाकली म्हणून काँग्रेस कार्यकर्त्याचा खून
Next मुंबई : फेसबुकवर स्थानिक आमदाराबाबत पोस्ट टाकल्याच्या रागातून भाजपच्या कार्यकर्त्यांनी घाटकोपरच्या असल्फा परिसरात काँग्रेसच्या कार्यकर्त्याचा तलवार हल्ला करून खून केल्याची घटना आज समोर आली आहे. या प्रकरणी साकीनाका पोलिसांनी भाजपच्या कार्यकर्त्यांना ताब्यात घेतले आहे.
भाजपच्या स्थानिक आमदाराबाबत टीका करणारी पोस्ट काँग्रेसच्या मनोज दुबे नावाच्या कार्यकर्त्याने फेसबुकवर टाकली होती. या पोस्टवरून फेसबुकवरच भाजप कार्यकर्त्यांसोबत बाचाबाचीही झाली होती. याचा राग ठेवून भाजपच्या कार्यकर्त्यांनी सोमवारी मध्यरात्री दीड-दोनच्या सुमारास दुबे यांना असल्फा मेट्रो स्थानकाजवळ गाठले आणि वादावादी केली. यावेळी दुबे यांच्यावर तलवारीने वार करण्यात आले. यामध्ये दुबे यांचा मृत्यू झाला.
Mumbai: Congress worker Manoj Dubey allegedly killed in Ghatkopar last night. Relative says, "he shared a post on Facebook that Congress will form govt in 2019 on which BJP&Bajrang Dal workers posted rude comments.The altercation led to a fight with swords in which he was killed" pic.twitter.com/4VraCCVE0q
— ANI (@ANI) October 22, 2018
साकीनाका पोलिसांनी या प्रकरणी भाजपच्या काही कार्यकर्त्यांना अटक केली असून चौकशी सुरु आहे.