मुंबईत दिवसभरात काेराेनाचे ९२४ रुग्ण; १२ मृत्यू

लोकमत न्यूज नेटवर्क

मुंबई : मुंबईत गुरुवारी काेराेनाचे ९२४ रुग्ण आढळले असून १२ मृत्यूंची नोंद झाली. त्यामुळे कोरोनाबाधितांची संख्या २ लाख ७२ हजार ४४९वर पोहोचली असून मृतांचा आकडा १० हजार ६२४ झाला आहे. दिवसभरात १,१९२ रुग्ण बरे होऊन घरी गेले, तर आतापर्यंत एकूण २ लाख ४९ हजार ९०३ रुग्ण कोरोनामुक्त झाले. सध्या ११,६९४ सक्रिय रुग्णांवर उपचार सुरू आहेत. रुग्ण बरे होण्याचे प्रमाण ९२ टक्क्यांवर पोहोचले असून रुग्ण दुपटीचा कालावधी ३१० दिवसांवर पोहोचला आहे.